Deputatların Aİ-dən kənar ölkələrlə təmaslarına nəzarət tətbiq ediləcək- ÖZƏL

Olaylar.az xəbər verir ki, Avropa Parlamenti Qətərdə 2022-ci ildə dünya çempionatı ilə bağlı qalmaqaldan sonra korrupsiya ilə mübarizə planı üzərində işləyir. Bu barədə Pais məlumat verib. Onun sözlərinə görə, AP departament daxilində pozuntular barədə məlumat verənləri qorumaq üçün mexanizmlər hazırlayır. Aİ-nin üzvü olmayan ölkələrin nümayəndələri ilə görüşlər üçün yeni "məcburi şəffaflıq" da yaradıla bilər. Bundan əvvəl, dekabrın 13-də Avropa Parlamentinin Fransada keçirilən plenar iclasında deputatlar böyük korrupsiya qalmaqalı fonunda Avropa Parlamentinin vitse-prezidenti Eva Kaylinin istefaya göndərilməsinə mütləq səs çoxluğu ilə səs veriblər. 

Korrupsiya və çirkli pulların yuyulmasında şübhəli bilinən Kaylinin səlahiyyətlərinə xitam verilməsi üçün 625 parlamentari səs verib. Yalnız bir deputat belə qərarın əleyhinə çıxıb, ikisi bitərəf qalıb. Dekabrın 11-də məlum olub ki, Avropa Parlamentinin vitse-prezidenti, yunan siyasətçisi Eva Kaili və daha 3 nəfər Qətərdə keçirilən futbol üzrə dünya çempionatı zamanı korrupsiya faktı ilə bağlı ittiham olunaraq həbs ediliblər.