Rusiyalılar 8 hərbçini öldürən əsgərin müdafiəsinə qalxdı — FOTO
Rusiyalılar 8 hərbçini öldürən əsgərin müdafiəsinə qalxdı — FOTO
Rusiyada hərbçi yoldaşlarını qətlə yetirən əsgər üçün pul yığılır.
Rusiyalılar Zabaykalye diyarında hərbi hissədə 8 hərbçi yoldaşını qətlə yetirən Ramil Şamsutdinov üçün pul toplamağa başlayıb.
Belə bir təşəbbüs sosial şəbəkədə "Tixiy Barin" qrupu tərəfindən irəli sürülüb. "Biz digər kimsələri mühakimə etmək hüququna malik deyilik. Hələ heç hadisənin hansı səbəblərdən baş verdiyini bilmirik. Hansı zərurətdən belə bir addım atılıb. Yardım edib-etməmək hər bir şəxsin öz işidir"- təşəbbüs qrupu tərəfindən yazılan elanda qeyd edilir.
Sosial şəbəkə istifadəçisi onu da bildirib ki, yığılacaq pul Ramilin atası Səlim Şamsutdinova lazımdır. O gedib hadisənin baş vermə səbəblərini yerində öyrənsin, hərbi hissə komandiri ilə söhbət etsin. Yığılacaq vəsait eyni zamanda Ramil Şamsutdinovun vəkil xərclərini ödəməyə sərf ediləcək.
Bundan əlavə olaraq Change.org saytında Ramil Şamsutdinovun müdafiəsi ilə bağlı petisiyaya başlanılıb. Baş verənlə əlaqədar olaraq Rusiya Daxili işlər nazirinə 4300 nəfərin imzası ilə müraciət ünvanlanıb. Fəallar qətl törədən əsgərin hərəkətinə haqq qazandıraraq, onu reablitasiyaya göndərməsini tələb edirlər.
Qeyd edək ki, Ramil Şamsutdinov oktyabrın 25-də Çitada Qornıy qəsəbəsindəlki hərbi hissədə öz hərbçi yoldaşlarına qarşı silah işlədib və nəticədə 8 hərbçi ölüb. Ramil bundan sonra özü könüllü olara xüsusi təyinatlılara təslim olub.
Ölkə.Az