1978-ci il 23 Bəhmən İnqilabından sonra hakimiyyətə gəlmiş və 40 ildir ölkəni şəriət qanunları idarə edən İran molla rejimi özünəməxsus qəbul etdirdiyi qaydaları digər qonşu ölkələrdə həyata keçirməyə çalışır. Bu ölkənin rəsmi dövlət təqvində yer alan 20 yanvar Fatitmənin (Həzrət Mühəmmədin qızı və Əli ibn Talibin həyat yoldaşı)

ölüm günü, 11 fevral "İslam İnqilabı", 8 mart Həzrət Əlinin doğum günü, 20 mart İranda neft sənayesinin milliləşdirilməsi, 21-23 mart Novruz Bayramı, 31 mart İslam Respublikasının elan edilməsi, 1 aprel təbiət, 8 apreldə Mühəmməd peyğəmbərin zühuru, 21 aprel İmam Mehdinin anadan olması, 26 may Həzrət Əlinin ölümü, 4 iyun Ruhulla Xomeyninin ölümü, 5 iyun "Eyd əl Fitr" (Ramazanın son günü), 5 iyun "şah rejiminin devrilməsi", 29 iyun Cəfər əs Sadiqin ölümü, 12 avqust Qurban Bayramı, 20 avqust Qədir Xum, 9 sentyabr İmam Hüseyn taşuası, 10 sentyabr Aşura, 19 oktyabr "Ərbəin (İmam Hüseynin ölümü), 27 oktyabr Həzrəti Müəhəmmədin ölümü, 29 oktyabr İmam Rzanın ölümü, 6 noyabr İmam Həsən Əsgərinin ölümü, 15 noyabr Həzrəti Mühəmmədin anadan olan günü dövlət mərasimləri kimi qeyd olunur. Bundan əlavə, "Çaharşənbə-Suri" (atəşpərəstlik), "Yalda" (qədim hind-fars mərasimi qismində Mitranın anadan olması (Günəş Tanrısı) bayramı, "Mehriqan" (farslarda qədim yeni il bayramı, 21 sentyabr) xalq bayramları qeyd olunur. Bütün bunların qonşu dövlətlərdə ümumxalq mərasimləri kimi həyata keçirilməsinə çalışılır. Azərbaycan Respublikası ilə bağlı inanclı vətəndaşların bu prosesdə iştirak etməsi üçün 30 ilə yaxındır Tehran molla rejimi bütün imkanları ilə dərin siyasət yürüdür. Əslində bu təşəbbüslər dövlətimizin daxili işlərinə qarışmaq deməkdir.

Rəsmi Bakıya təhdid: "Aşura Azərbaycan Respublikasında Avrovizionu məhv

etdi"

İranda dövlət informasiya mənbələrindən biri kimi tanınan "mashrenews.r" portalı yeni iddialar irəli sürüb. Azərbaycan Respublikasında həyata keçirilən multikulturalizm və tolerantlıq tədbirlərinə kölgə salmaqla, öz xarakterlərinə uyğun təşəxxüslə, kibrlə qeyd edir ki, rəsmi Bakının bu addımları tamamilə yanlışdır. Guya Azərbaycan iqtidarı bu iki mühüm sahəni "kor-koranə" həyata keçirir və "fərqli etiqad sahibləri"nə xüsusi şərait yaratmaqla onlar üçün çalışır. Molla rejiminin Yaxın Şərqlə bağlı apardığı siyasi hədəflərin mərkəzində duran və qətiyyətlə inkar etdiyi İsrail dövləti ilə münasibətlərinin gərginliyinin digər müsəlman ölkələrinə ixrac üzərində köklənmiş hədəfləri üzərindən Azərbaycan Respublikasını hər zaman olduğu kimi tənqid atəşinə tutmağa çalışılır. Xatırladaq ki, bir müddət əvvəl şiələrin müqəddəs saydıqları məhərrəmlik ayında Tehranda  umumdünya erməni oyunları keçirilmiş, yarı lüt erməni qızlarının iştirak etdiyi açılış mərasimi və tədbir İran mediasında geniş işıqlandırılmışdı. İranın dövlət başçısı

isə Ərbəin ərəfəsində Yerevana səfər edərək şiə torpaqlarını işğal edib "bura Ermnistandır. Nöqtə" deyən Nikol Paşinyanla məhrəm selfilər payalaşmışdı. "Mashrenews.ir" portalı hətta daha da uzağa gedərək qeyd edir ki, Bakıda təşkil olunan əksər beynəlxalq tədbirlər "yəhudi-sionist-mason" siyasətinə xidmət edir: "Əhalisinin əksəriyyətinin şiə məzhəbli olan Azərbaycan Respublikasında qətiyyən bunlara imkan vermək olmaz". Əvvəla Tehran molla rejiminidən soruşmaq gərəkdir ki,hansı meyarla Azərbaycan Respublikasında əhalinin məzhəb-təriqət məsələlərini ölçürlər? Ölkəmizdə dinin dövlətdən ayrı olması və demokratik bir düzənlə qanunların

təsbiti kimi dəyərlər mövcuddur. O ki qaldı Qafqaz Müsəlmanları İdarəsinə, bu qurum qanunla Ədliyyə Nazirliyində qeyri-hökumət təşkilatı kimi qeydiyyata alınıb. Yəni rəsmi dövlət təşkilatı sayılmır. Azərbaycan Respublikasında qeydiyyata alınmış ictimai təşkilatların hər birinin nə qədər üzvünün olması barəsində hər hansı bir məhdudiyyət də yoxdur. Dövlətin rəsmi tədbir və toplantılarında bütün ictimai qurumlara eyni səviyyədə münasibət göstərilir. Onların arasında hər hansı bir ayrı-seçkilik nümayiş etdirilmir. Dini mərasimlərin necə həyata keçirilməsi isə, qanunla tənzimlənir.

Böhtanlar yağmurundakı hədəflər

"Mashrenews.ir" portalında gedən cızmaqaralardan ruhlanan gerizəkalı müəllif bir qədər uzağa gedərək Azərbaycan Respublikası hakimiyyətinə "ağıl" vermək təşəbbüslərini də gizlətmir. Guya ölkəmizdə "düzgün olmayan" mədəniyyət siyasəti hökm sürür. Multikuluralizm və tolerantlıq siyasəti "Azərbaycanı uçuruma yuvarladır" tipli münasibətin müəllifin özünün nə qədər dayaz olduğunu isbat edir. Portal molla rejiminin

nə kimi hədəfləri olduğunu da dolayı yolla etiraf edir: "Cəmiyyəti islam və şiə dəyərlərindən uzaqlaşdırmaq bu ölkədəki mədəniyyətin əsas məqsədlərindən biridir. İllərdir ki, islam dəyərləri və düşüncəsi ilə ziddiyyət təşkil edən və düşüncələrin xalqa qəbul etdirilməsi istiqamətdə külli miqdarda xərclər çəkilir. Tədris vəsaitlərində islam təliminə yer ayırmamaqla yanaşı, cəmiyyətin dünyəvi və sekulyar yetişdirilməsi üçün anti-dın təlimlər baş alıb gedir. Televiziya kanalları, təhsil, mədəniyyət nazirlikləri cəmiyyətin mədəniyyətini istiqamətləndirən qurumlar kimi var gücü ilə təbliğatlarında islam dininin əsaslarına yer verməməklə yanaşı, xalqı sekulyar dövlətin prinsiplərinə ziyanlı hesab etdiyi islam və şiə əqidəsindən uzaqlaşdırmaq uçun proqramları həyata

keçirir". "Avroviziya" Beynəlxalq Mahnı Yarışmasının Azərbaycanda keçirilməsini indiyə kimi sindirə bilməyən iki ölkə mövcuddur: İran və Ermənistan. 2012-ci ildən yeddi il ötməsinə baxmayaraq, Tehran molla rejimi bu beynəlxalq tədbirin mahiyyətini unutmaq istəmir. Halbuki "Avroviziyia" yarışması ilə Azərbaycan bütün dünyanın diqqət mərkəzində oldu. Tehran molla rejimi və işğalçı Ermənistan isə tamamilə kölgədə qaldılar. Bir opera, balet və beynəlxalq miqyasda simfonik əsərlər yarada bilməyən Tehran molla rejimi yeni bir iddia irəli sürür: "Azərbaycandakı musiqilər qeyri-islamidir" Tehran molla rejimi Azərbaycan dövlətinin beynəlxalq miqyasda iqtisadi, mədəni və digər əlaqələrini gücləndirdikcə, bütün bunlardan daha da qeyzlənməkdədir. "Qəbələ Musiqi Festivalı", "TÜRKSOY" Festivalı, şərab festivalı, moda yarışmaları və sairləri "qeyri-əxlaqi məzmunlu" pozğunluq adlandırır. Dini məsələlər barəsində Dini Qurumlarla İş üzrə Dövlət Komitəsi, Qafqaz Müsəlmanları idarəsi. Prezident yanında Milli Mənəvi Dəyərlərin Təbliği Fondu və yüzlərlə təşkilatların fəaliyyətinə kölgə salmaq təbliğatlarını aparır. Guya əsil dini təbliğat sadəcə Tehran molla rejiminə məxsusdur.