Cənubi Koreyada kişi Yaponiya səfirliyinin qarşısında özünü yandırdı

Cənubi Koreyada kişi Yaponiya səfirliyinin qarşısında özünü yandırdı

Cənubi Koreyada yaşlı kişi Yaponiyanın Seuldakı səfirliyinin qarşısında idarə etdiyi avtomobilin içərisində özünü yandıraraq intihar edib.

Olaylar.az  AZƏRTAC-a istinadən bildirir ki, 70-dən yuxarı yaşı olan naməlum kişi yerli vaxtla gecə 3:30 radələrində avtomobilini səfirliyin giriş qapısının qarşısında saxladıqdan dərhal sonra tezalışan maddələrdən, o cümlədən butan qazından istifadə etməklə avtomobilin içərisini yandırıb. Güclü yanıq xəsarətləri ilə xəstəxanaya çatdırılan şəxsin həyatını xilas etmək mümkün olmayıb.

Hazırda hüquq-mühafizə orqanlarının əməkdaşları intiharın motivlərini araşdırır.