Qədim katakomblar xilas olundu - FOTO

Misirin İsgəndəriyyə şəhərinin yaxınlığında dəniz suyunun altında qalmaq təhlükəsi ilə üzləşmiş katakomblar fəlakətdən xilas olunub.

Bu katakombların 2 min ildən artıq yaşı var.

Misirin ən məşhur tarixi abidələrindən olan Kom əl Şükafa ölkədə Qədim Yunanıstan və Roma dönəmlərindən qalmış ən böyük tarixi abidə sayılır. Katakomblar 1900-cı ildən bəri subasma təhlükəsi ilə üzləşmişdi.

Eramızdan əvvəl 4-1-ci əsrlərdə istifadə olunmuş katakomblar Qədim Misir, Qədim Yunanıstan və Qədim Roma incəsənət ənənələrinə uyğun bərpa olunub.

Xilasetmə proqramı çərçivəsindəki drenaj işlərinə ABŞ-ın USAİD agentliyi dəstək olub.

Milli.Az