Bankdan gizli şəkildə 8 ton qızıl çıxarılıb - İddia

Venesuela Mərkəzi Bankından xarici ölkələrə satmaq üçün gizli şəkildə 8 ton qızılın çıxarıldığı və naməlum istiqamətə aparıldığı iddia edilib.

Olaylar.az bildirir ki, bu iddianı müxalifətdəki millət vəkili Anxel Alvarado ortaya atıb.

O bildirib ki, hadisə 20-22 fevral tarixlərində baş versə də, ictimaiyyətdən gizli saxlanılıb. Alvarado, qızıllar çıxarılarkən bankın sədri Kalito Orteqa xaricdə səfərdə olduğunu qeyd edib.

İddialara Venesuela Mərkəzi Bankından cavab verilməyib.