İranda parlament seçkilərinin VAXTI bilindi

İranda 11-ci parlament seçkiləri 2020-ci il fevralın 21-də keçiriləcək.

Bunu İranın Daxili İşlər Nazirliyinin sözçüsü Salman Samani deyib.

S.Samaninin sözlərinə görə, parlament seçkiləri ilə yanaşı İranın Ekspertlər Məclisinə də səsvermə keçiriləcək. Artıq seçkilərin keçirilməsi üçün hazırlıq işlərinə başlanılıb:

"İranın Daxili İşlər Nazirliyi Nəzarət Şurasına parlament seçkilərinin keçirilmə vaxtı ilə bağlı məktub göndərib. Şuranın son iclasında həmin məktuba əsasən tarix müzakirə edilərək müəyyənləşdirilib".