İsveçdə Rusiyaya casusluq edən şəxs tutuldu

İsveç Təhlükəsizlik Polisi (SEPO) Stokholmda Rusiyaya casusluqda şübhəli bilinən şəxsi saxlayıb.

Bu barədə qurumun mətbuat xidməti məlumat yayıb.

"İsveçə qarşı qanunsuz kəşfiyyat fəaliyyətindən şübhələnən şəxs saxlanılıb. Təhlükəsizlik polisi Milli Təhlükəsizlik Şöbəsinin prokurorluğunun rəhbərliyi ilə araşdırma aparır", - deyə məlumatda qeyd olunub.

Tutulan şəxsin ən azından 2017-ci ildən bəri kəşfiyyat fəaliyyəti ilə məşğul olduğu təxmin edilir. O, İsveçdə yüksək texnologiyalar sahəsində çalışır. SEPO-nnu fikrincə, şübhəli xarici hakimiyyət orqanlarının kəşfiyyat fəaliyyətinə maraq göstərir.

Rusiyanın İsveçdəki səfirliyi SEPO-nun bəyanatını hələ şərh etməyib.(qafqazinfo.az)