Ermənistan hökumətinin iqamətgahı qarşısında etiraz aksiyası keçirilib

Ermənistan hökumətinin binası qarşısında bir qrup gənc alim etiraz aksiyası keçirib.

"Biz də varıq" şüarını qaldıran etirazçılar dövlət büdcəsindən elmə ayrılan vəsaitlərin azaldılmasından narazılıq ifadə ediblər. 

Bununla yanaşı, Üzvi Kimya İnstitutunun Elmi-Texniki Mərkəzi binasının başqa şəxsə verilməsinə cəhd göstərildiyi, bunun "pis nümunə ola biləcəyi" vurğulanıb. Həmin elmi mərkəzin əməkdaşları noyabrın 8-də də İrəvanda etiraz aksiyasına toplaşmışdılar.

Etirazçılar bu gün öz təkliflərini yazılı surətdə Elm və Təhsil Nazirliyinə təqdim etmək niyyətindədirlər.

report