Rusiyada İŞİD-ə pul toplamaqda şübhəli bilinən dəstənin üzvləri tutulub

Rusiya Federal Təhlükəsizlik Xidmətinin (FTX) əməkdaşları terrorçu İŞİD qruplaşmasına pul toplayan bir qrupu tutub.

Bu barədə FTX-dən bildirilib.

"Tomsk vilayəti ərazisində terrorçu İŞİD qruplaşmasının maraqlarına maliyyə yardımı göstərilməsi üçün pul toplamaqda iştirak edən dəstənin fəaliyyəti aşkarlanıb", - məlumatda vurğulanıb.

Bildirilib ki, tutulanlar "Telegram"ın bağlı çatlarında İŞİD-ə yardım məqsədilə bank kartları və terrorçular üçün pul ödəmə xidmətlərinin rekvizitlərini paylaşım ediblər.

Onlar terrorçuluğu maliyyələşdirməkdə ittiham olunurlar.  

report