Gürcüstanda iki gün davam edən meşə yanğınını aradan qaldırmaq mümkün olmayıb

Gürcüstanın İmereti bölgəsinin Zekari kəndi ərazisində noyabrın 10-dan etibarən davam edən meşə yanğınını aradan qaldırmaq mümkün olmayıb.

Bu gün səhər saatlarında yanğının söndürülməsi üzrə işlər bərpa olunub.

Yanğının söndürülməsinə 200-ə yaxın yanğınsöndürən cəlb olunub. İlkin məlumatlara görə, 5 hektar sahə yanıb. Yanğının bu gün lokallaşdırılacağı gözlənilir.

Yanğının yaşayış məntəqələrinə doğru yayılması təhlükəsi yoxdur.

Faktla bağlı qəsdən yanğın törətmə maddəsi üzrə cinayət işi açılıb. 

report