Müsəlmanlar Avropada: Avropastan, yoxsa?.. - STATİSTİKA
ABŞ-ın nüfuzlu "Pew Research Center" mərkəzi "Avropada müsəlman əhalinin artımı" (Europe's Growing Muslim Population) adlı hesabat hazırlayıb. Hesabatda 2050-ci ilədək Avropada müsəlman əhalinin artımının 3 ssenarisi nəzərdən keçirilib.
ABŞ-ın nüfuzlu "Pew Research Center" mərkəzi "Avropada müsəlman əhalinin artımı" (Europechr("39")s Growing Muslim Population) adlı hesabat hazırlayıb. Hesabatda 2050-ci ilədək Avropada müsəlman əhalinin artımının 3 ssenarisi nəzərdən keçirilib.
Amerikalı alimlərin hesablamalarına görə, son iki ildə Avropa Birliyi ölkələrində müsəlmanların sayının kəskin artımı miqrant axını ilə bağlıdır. 2016-cı ilin ortalarında AB ölkələrinin əhalisinin 25,8 milyon nəfəri və ya 4,9 faizi müsəlmanlar idi.
Ekspertlər hesablamalara və statistikaya əsaslanaraq Avropada müsəlmanların artımının 3 model ssenarisini hazırlayıblar:
1-ci ssenari. Əgər Yaxın Şərq və Şimali Afrika ölkələrindən Avropa Birliyi ölkələrinə miqrant axını maksimum dərəcədə zəifləyərsə, yaxud dayanarsa, 2050-ci ildə AB ölkələrinin əhalisinin 7,4 faizi müsəlmanlar olacaq.
2-ci ssenari. Avropa Birliyi ölkələrinə miqrant axını orta səviyyədə qalacaq və nəticədə 2050-ci ildə AB əhalisinin 11,2 faizini müsəlmanlar təşkil edəcək.
3-cü ssenari. Miqrant axınının intensivliyi və miqyası 2014-2016-cı illər arasında olduğu səviyyədə qalarsa, 21-ci əsrin ortalarında AB ölkələrində müsəlman əhalinin sayı 14 faizə çatacaq. Bu isə indiki göstəricilərdən təqribən 3 dəfə artıqdır.
Hesabatda əhalisi arasında müsəlmanların sayının daha sürətlə artacağı ölkələr də sadalanıb. Bu reytinqə İsveç başçılıq edir. İsveçdə müsəlmanların sayı bəhs olunan ssenarilərdən asılı olaraq 8-31 faiz arasındakı miqyasa çata bilər.
Avropa Birliyi ölkələrində indi 25,77 milyon müsəlman yaşayır.
Hazırda müsəlmanların ən çox yaşadıqları ölkələr
1. Fransa - 5,72 milyon (əhalinin 8,8 faizi)
2. Almaniya - 4,95 milyon (6,1 faiz)
3. Britaniya - 4,13 milyon (6,3 faiz)
4. İtaliya - 2,87 milyon (4,8 milyon)
5. Hollandiya - 1,21 milyon (7,1 milyon)
6. İspaniya - 1,18 milyon (2,6 faiz)
2050-ci ildə müsəlmanların ən çox olacaqları ölkələr
1. Almaniya - 17,49 milyon (əhalinin 19,7 faizi)
2. Britaniya - 13,48 milyon (17,2 faiz)
3. Fransa - 13,21 milyon (18 faiz)
4. İtaliya - 8,25 milyon (14,1 milyon)
5. İsveç - 4,45 milyon (30,6 faiz)
6. İspaniya - 2,81 milyon (7,2 faiz)
7. Hollandiya - 2,79 milyon (15,2 faiz)
8. Belçika - 2,58 milyon (18,2 faiz)
9. Avstriya - 2,12 milyon (19,9 milyon)
10. İsveçrə - 1,52 milyon (12,9 milyon)
11. Norveç - 1,32 milyon (17 faiz)
12. Danimarka - 1,1 milyon (16 faiz).
Milli.az