Çərçivəsiz “Oneplus 5T” smartfonu rəsmən təqdim edilib

“Oneplus” şirkəti Bruklində yeni qabaqcıl smartfonunu təqdim edib. “Oneplus 5T” smartfonu çərçivəsiz dizayna malikdir. Alüminium korpusa malik smartfonun arxa panelində barmaq izi skaneri quraşdırılıb. Smartfon “Full HD+” (2160x1080 piksel təsvir ölçülü) formatlı 6,01 düymlük “Optic AMOLED” displey, 20+16 meqapiksellik ikiqat əsas kamera, “Sony IMX371” əsasında 16 meqapiksellik ön kamera, “Qualcomm Snapdragon 835” prosessoru, 6 və ya 8 QB-lıq əməli yaddaş, 64 və ya 128 QB-lıq daxili fləş yaddaşla təchiz edilib.

"Oneplus" şirkəti Bruklində yeni qabaqcıl smartfonunu təqdim edib. "Oneplus 5T" smartfonu çərçivəsiz dizayna malikdir. Alüminium korpusa malik smartfonun arxa panelində barmaq izi skaneri quraşdırılıb. Smartfon "Full HD+" (2160x1080 piksel təsvir ölçülü) formatlı 6,01 düymlük "Optic AMOLED" displey, 20+16 meqapiksellik ikiqat əsas kamera, "Sony IMX371" əsasında 16 meqapiksellik ön kamera, "Qualcomm Snapdragon 835" prosessoru, 6 və ya 8 QB-lıq əməli yaddaş, 64 və ya 128 QB-lıq daxili fləş yaddaşla təchiz edilib.

Akkumulyator batareyasının tutumu 3300 milliamper/saat təşkil edir. Smartfonun ölçüləri 156,1x75x7,3 mm, çəkisi 162 qram təşkil edir. Aparat "Android 7.1.1 Nougat" mobil əməliyyat sistemi ilə işləyir. 2 ədəd SİM kart dəstəklənir, "LTE", "Wi-Fi" (802.11 a/b/g/n/ac), "Bluetooth 5.0", "GPS" və "QLONASS", "NFC", "USB 2.0 Type-C" və 3,5 mm-lik audio konnektor nəzərdə tutulub.

Smartfon noyabrın 21-dən etibarən ABŞ-da 64 QB-lıq versiya üçün 500 dollara əlçatan olacaq. Həmçinin Hindistan, Avropa, Kanada, Çin və Honkonqda satışa çıxarılacaq. 
"ICTnews" Elektron Xəbər Xidməti "ferra.ru" saytına istinadən xəbər verir.