Rusiyada yaşayış binası çökdü: Ölənlərin sayı 6-ya çatdı -  YENİLƏNDİ

Rusiyanın İjevsk şəhərində 9 mərtəbəli yaşayış binasının bir hissəsinin uçması nəticəsində ölənlərin sayı 6-a çatıb. Bu barədə TASS agentliyi fövqəladə xidmətlərə istinadən məlumat yayıb. Məlumata görə, daha bir insanın taleyi naməlumdur.

Rusiyanın İjevsk şəhərində 9 mərtəbəli yaşayış binasının bir hissəsinin uçması nəticəsində ölənlərin sayı 6-a çatıb.

Bu barədə TASS agentliyi fövqəladə xidmətlərə istinadən məlumat yayıb.

Məlumata görə, daha bir insanın taleyi naməlumdur.

***

Rusiyanın İjevsk şəhərində yaşayış binasının uçması nəticəsində ölənlərin sayı 4-ə çatıb.

Bu barədə RİA "Novosti" fövqəladə xidmətlərdəki mənbəyə istinadən məlumat yayıb.

Rusiya Fövqəladə Hallar Nazirliyinin məlumatına görə, yaşayış evinin uçması nəticəsində 1-ci mərtəbədən 9-cu mərtəbəyə qədər 8 mənzzil tamamilə dağılıb.

***

Rusiyanın İjevsk şəhərində 9 mərtəbəli yaşayış binasının bir hissəsinin çökməsi nəticəsində iki nəfər həlak olub, iki sakin yaralanıb. Binanın bütün sakinləri təxliyə edilib.

Rusiya FHN-in məlumatına görə, hadisə məişət qazının sızması nəticəsində baş verib. Binanın birinci mərtəbəsində yerləşən Uşaq Mərkəzindəki uşaqların heç biri zərər çəkməyib. Dağıntılar altında 4 nəfərin qaldığı bildirilir.

Qəza baş verən bina 1999-cu ildə tikilib. Partlayışın tüfeyli həyat tərzi keçirən ailənin mənzilində qaz avadanlığının yararsız olması üzündən baş verdiyi ehtimal olunur.

Qəza ilə bağlı cinayət işi açılıb, araşdırma aparılır. Publika.az