Rusiya da neft hasilatını dondurmağa hazırdır

Əgər OPEK-dən təklif olarsa, Rusiya neftin hasilatını azaltmaqla bağlı variantı gözdən keçirməyə hazırdır.

"Qafqazinfo" xəbər verir ki, bu sözləri Rusiyanın Enerji naziri Aleksandr Novak jurnalistlərə açıqlamasında deyib. Onun sözlərinə görə, üstünlük verilən variant neftin dondurulmasıdır, minimal arzuolunan səviyyəni isə Rusiya tərəfi hələlik müəyyən etməyib. 

Nazir qeyd edib ki, daha əvvəl OPEK ölkələri ilə Rusiya ancaq neft hasilatının dondurulması məsələsini müzakirə edib: "Biz indi bütün bu məsələlər (Rusiya hansı minimal səviyyədə neft hasilatını dorndurmağa hazırdır-red.) üzərində işləyir, öz şirkətlərimizlə müzakirələr aparırıq. Hələlik yekun varinat hazırlanmayıb. Lakin çox şey OPEK daxilindəki ölkələr arasında hansı razılaşmanın əldə edilməsinə bağlı olacaq. Biz hələ ki, ancaq 32,5-33 (sutka üçün minimal barrel-red.) rəqəmlərini eşitmişik".

Təklifinizi, şikayətinizi bizə yazın. Sizi dinlərik. 055 634 88 31