“FETÖ”-nun “Whatsapp” idarəçiləri həbs edildi

“FETÖ” terror təşkilatının 15 iyul qiyamı planlaşdırılan günü “Whatsapp” sosial şəbəkə qrupunu idarə edən polkovniklər - Nebi Gazneli və Müslüm Kaya həbs edilib.

"FETÖ" terror təşkilatının 15 iyul qiyamı planlaşdırılan günü "Whatsapp" sosial şəbəkə qrupunu idarə edən polkovniklər - Nebi Gazneli və Müslüm Kaya həbs edilib.

Publika.az xəbər verir ki, İstanbul Şəhər Prokurorluğunun Terror və Mütəşəkkil Cinayətkarlıqla Mübarizə Bürosunun müstəntiqi Can Tuncay tərəfindən aparılan istintaq araşdırması zamanı Nebi Gazneli və Müslüm Kaya Konyada saxlanılaraq, İstanbul Ədalət Məhkəməsinə gətirilib.

Daha sonra məhkəmə tərəfindən onların barəsində dövlət çevrilişinə cəhd maddəsi ilə cinayət işi açılıb, Nebi Gazneli və Müslüm Kaya Fətullah Gülən şəbəkəsi ilə əlaqədə olduğuna görə həbs edilib.

Təklifinizi, şikayətinizi bizə yazın. Sizi dinlərik. 055 634 88 31