Kərbala müsibəti
Ulu tanrının-Rəhimli, mərhəmətli Allahın adı ilə
Həmd olsun tərifini natiqlər deyə bilməyən, nemətlərini sayıcılar
sayıb qurtara bilməyən, arayıb-axtaranlar, həqiqətinə çata bilməyən
heç bir vəsflə Zatının layiqliyinin ifadəsi mümkün olmayan
Uca və Böyük ALLAHA!!!!!!!!!
(Həzrəti Əli Əleyhissalam)
Böyük Oğuz - Türk Xalqının mənəviyyatında şərəflə, qürurla yad etdiyimiz Şəhidlik Məktəbi, tarixin lap qədim çağlarından möhkəm təməl üzərində qurulan möhtəşəm bir abidə kimi bu günümüzə qədər gəlib çatmışdır. Bu, Sibirdən Avro-paya, Amerikaya qədər geniş bir coğrafiyada yaşayan Türk xalqlarının zəngin mənəviyyatının şah əsəridir.
Ta qədim dövrlərdən bu günümüzə qədər mərdliyi, qorxmazlığı, şücaəti və igidliyi ilə adını tarixin səhifələrinə qızıl hərflərlə yazmış Böyük Oğuz-Türk Xalqı bu Ali Məktəbin yer üzündə ilk qurucusudur. Bunların təməlində isə öncə ULU YARADANA olan güclü inam və iman, sonra isə Vətənə və başda insanlıq olmaqla bərabər ULU TANRININ yaratdığı bütün varlıqlara olan sevgi dayanır.
Bütün bunları bilmək və dərk etmək üçün biz mütləq CƏNABİ - HAQQIN Kitabını-Qurani - Kərimi, eyni zamanda Milli Ürf Adət-Ənənələrimizə aid olan, qəhramanlıq və zəfərlə dolu olan kitablarımızı oxumalıyıq.
Kərbəla çölündə qaldı Hüseynim,
Oxudum Quranı, açıldı zehnim :
"ALLAHI necə inkar edirsiniz ki, siz ölü idiniz, O sizi diriltdi. O sizi ( əcəliniz gəldikcə ) yenə öldürəcək, sonra ( qiya- mətdə ) yenə dirildəcək və daha sonra siz ( əməllərinizin haqq - hesabı çəkilmək üçün ) Ona tərəf (Onun hüzuruna) qaytarılacaqsınız".
(Əl-Bəqərə surəsi, 28-ci ayə).
"Yer üzündə nə varsa, hamısını sizin üçün yaradan, sonra səmaya üz tutaraq onu yeddi qat göy halında düzəldib nizama salan Odur ( ALLAHDIR ). O, hər şeyi biləndir!".
(Əl-Bəqərə surəsi, 29-cu ayə).
"Anaların bətnində sizə istədiyi surəti verən Odur ! O qüdrət və hikmət sahibindən başqa heç bir TANRI yox- dur !"
( Ali -İmran surəsi, 6-cı ayə ).
"Hər kəs, (hər bir canlı) ölümü dadacaqdır. (dözüb - dözməyəcəyinizi, şükr edəcəyinizi, yaxud nankor olacağınızı) yoxlamaq məqsədilə Biz sizi xeyir və şərlə ( sağlamlıq, var - dövlət, cah - cəlal və xəstəlik, yoxsulluq və ehtiyacla) sınağa çəkərik. Və siz ( qiyamət günü əməllərinizin əvəzini almaq üçün ) ancaq Bizim hüzurumuza qaytarılacaqsınız!"
(Əl-Ənbiya surəsi, 35-ci ayə).
"ALLAH yolunda (HAQQ yolunda) öldürülənlərə (Şəhid olanlara) "ölü" deməyin. Əksinə, onlar (ALLAH dərgahında diridirlər, lakin siz bunu dərk etmirsiniz" .
(Əl-Bəqərə surəsi, 154-cü ayə)
Bəli, Quranı oxuyan hər kəs, ölümün son olmadığını bilir və dərk edir ki, ölmək - ölməməkdir, Şəhid olmaq - ucalmaqdır!
Bu gün biz, Həmin Məktəbi-Şəhidlik Məktəbini uçmağa, dağılmağa qoy- mayan və öz Şəhadəti ilə ona daha da möhkəmlik gətirən, Həzrəti Peyğəmbərimi- zin (ALLAHIN Ona və Ailəsinə salamı olsun) sevimli nəvəsi, Cənnət Cavanları-nın Ağası, üçüncü imamımız İmam Hüseynin Şəhadət gününü qeyd edir, Kərbəla çölündə baş vermiş bu hadisəni xatırlayaraq ağlayır, göz yaşları tökürürük...
Gəlin, dahi Azərbaycan şairi və mütəfəkkiri Məhəmməd Füzulinin bu haqda olan kəlamlarına nəzər salaq:
Kərbəla dəştində Şahi - Kərbəlanın halına,
İttifaqi - ümm olub məcmui - aləm ağladı!
Payeyi - ərşi - müəllada töküb Cəbrail əşk,
Rövzeyi - Rizvanda Ruhi - Nuhü Adəm ağladı!
Biz, Həzrəti Peyğəmbərimizin sevimli nəvəsi İmam Hüseyn Əleyhissalamın simasında qanları mərdliklə, igidliklə, qəhrəmanlıqla, rəşadətlə, şücaətlə, Haqq - Ədalətlə yoğrulmuş Haqq Aşiqləri olan bütün Şəhidlərimizə bu Aşura Günü CƏNABİ - HAQQdan rəhmət diləyir, Onların qarşısında - Onların Uca və Şərəfli Ruhları qarşısında baş əyirik.
Bir baxın, UCA ALLAHımızın min bir İsmi-Şərifindən (ƏSMAİ - HÜSNA) biri də ŞƏHİD adıdır (ƏŞ - ŞƏHİD).
İmam Hüseyn əleyhissalam bu uca ada layiqlik imtahanını Kərbəla səhra-sında şərəflə verdi. ALLAHın Sizə salamı olsun ey qeyrət təcəssümü olan ALLAHIN sadiq qulu - ey Şəhidlər Ağası - Şəhidlər Sultanı - Şəhidlər Şahı- Şahi - Kərbəla!!!
2
Şəhid oğlu Şahi - Mərdan, Ya Hüseyin!!!!!!!
Şəhid oğlu Şahi - Sultan, Şah Hüseyin!!!!!!!
Gəlin, yaxın keçmişimizə nəzər salaq: Onda, təkçə Çanaqqala savaşında Avropa dövlətlərinin hərbi qüvvələrinə qarşı möhtəşəm bir şücaət və mətanətlə vuruşan Türk övladlarının 400 000 nəfərinin Şəhid olduğunun şahidi olarıq. Nə böyük şərəf ki, (Kərbəlada olduğu kimi) bu döyüşdə də doğma Azərbaycanımızın Xınalı Quzuları Türk Xalqının qələbəsi naminə öz qızıl qanlarını belə əsirgəməmişlər, Həmin döyüşü vəsv edən Böyük Türk şairi Mehmet Akif Ersoy nə gözəl demişdir:
Ey Şehit oğlu Şehit! isteme benden makber:
Sana ağuşunu açmış duruyor Peyqamber!!!
Əziz və hörmətli İmam Hüseyn aşiqləri, Kərbəla çölündə, susuz bir səhrada qeyri bərabər bir döyüşdə, bəşəriyyətin ən gözəl və ən mərd insanlarına qarşı edilmiş zülm və haqsızlıqlardan bız hədsiz dərəcədə qəzəblənir və kədərlənir, orada, o döyüşlərdə iştirak edə bilmədiyimizdən çox heyifsilənirik:
Kaş, bu gün, bu dəmdə
Olaydım Kərbəladə!
Alaydım Hüseyn qanın
Qalaydım Kərbəladə!!!...
Hörmətli HAQQ aşiqləri, neçə illərdir ki, Cənnət Qarabağımız, Bayandurumuz, Dərələyəzimiz, İrəvan və Göyçə mahallarımız intizarla bizim yolumuzu gözləyirlər. Onların yağı tapdağından azad edilməsi bizim ALLAHA
sadiqliyimizdən, birliyimizdən və şərə qarşı birgə mübarizə aparmağımızdan asılıdır. Mən inanıram ki, ALLAHın izni və yardımı ilə bu haqq işdə biz mütləq qələbə çalacağıq. ULU TANRI tərəfindən biz, həm doğma torpaqlarımızı azad edərək öz cənnətməkan yurdlarımıza qayıtmağımızla, həm də ALLAH qismət edərsə Şəhidlik şərbətini içməklə mükafatlandırılacağıq. Yenə də Mehmet Akif Ersoyun sözləri ilə desək:
Kim bu cennet Vatanın uğruna olmaz ki, feda,
Şüheda fışkıracak toprağı sıksan, Şüheda!
Canı, Cananı, bütün varımı alsın da Hüda,
Etmesin tek Vatanımdan beni dünyada cüda!
Bəli, bu gün Cənnət Qarabağımızı azad etməyə gedən hər bir əsgərimiz (eyni zamanda vətəndaşımız), yəni biz hamımız, Böyük Oğuz - Türk - Müsəlman Xalqının Şəhidlik Məktəbindən - İmam Hüseyn Əleyhissəlamın Şəhidlik Məktəbindən, Çanaqqala Savaşının Şəhidlik Məktəbindən, Şəhid Mübarizin simasında bütün Qarabağ Şəhidlərinin Şəhidlik Zirvəsindən qidalanmalı, Vətənimizin azadlığı uğrunda biz də Şəhid olmağa hər an hazır olmalıyıq! Bu haqq yolda HAQQ - TƏALA hamımıza yardımçı olsun! Amin!!!
Şəhidim Mübarizim
...Silərək Al Qanına Boyanmış Gül Üzünü,
Bir Əsgər təbəssümlə söylədi son sözünü:
-Sevərdim bu mahnını -"...bir Vətənim, bir Elim,
bir Sevgilim, bir Anam..."...
Qoy, məndən inciməsin nə Sevgilim, nə Anam,
Onları görmək üçün yetmədi mənə zaman...
(Heç olmasa, onlara bir hədiyyə alardım-
-Anama bir hədiyyə, Sevgilimə bir çiçək...
Fəqət, yetmədi zaman)
Təki Sizlər sağ olun, təki Vətən sağ olsun!!!
Bu canımla al qanım Vətənə fəda olsun!!!
Ey torpaqda uyuyan, qara gözlü Şəhidim!
Al qanına boyanan, ala gözlü Şəhidim!
Qorxu nədir bilməyən, qurd ürəkli Şəhidim!
Düşməni qırıb tökən, cəsurum nər Şəhidim!
Mübarizim, mətinim, igidim Ər Şəhidim!!!...
Sənin arzularının məhvinə haqqımız yox!
Şərəfsiz yağıların əfvinə haqqımız yox!...
Şərəfsiz yağıları tezliklə əzəcəyik!
Tezliklə azad edib Vətəni, gələcəyik!
Bizlər də Sənin kimi - bir Ər oğlu Ər kimi
Qanımızla torpağa çiçəklər əkəcəyik!
Bizlər də Sənin kimi - bir əsil Əsgər kimi
Canımızla Vətənə sipərlər çəkəcəyik!
Göylərdə pərvaz edən ruhunuza and içib,
Şəhidlik Şərbətini bizlər də içəcəyik!
TANRININ hüzuruna,
Şəhidlər diyarına - Sizin diyarınıza
Üzü ağ dönəcəyik! Şərəflə dönəcəyik!!! (inşaallah)