Binəqədidə foto-müsabiqə

Binəqədi rayon Gənclər və İdman İdarəsi "Abad Məhəllə" adlı foto müsabiqə elan edir.  "OLAYLAR"-ın xəbərinə görə, müsabiqə "Bakı-2015" İlk Avropa Oyunlarına hazırlıq məqsədilə Binəqədi Rayon İcra Hakimiyyəti tərəfindən start verilmiş "Təmiz Binəqədi" layihəsi çərçivəsində keçiriləcək. Müsabiqənin məqsədi rayonun təmizliyinin qorunması və gənclər arasında ekoloji maarifləndirmə işinin gücləndirilməsidir. Müsabiqədə iştirak etmək istəyən yeniyetmə və gənclər rayonun gözəlliyini tərənnüm edən fotoşəkilləri  sentyabrın 20-dək Gənclər və İdman İdarəsinin [email protected] elektron poçt ünvanına göndərə bilərlər. Fotoşəkillər JPEG (.jpg) formatında olmalıdır. Qaliblər İdarə tərəfindən mükafatlandırılacaq.