Sosial
İctimai yerlərdə səs-küy salanlar cərimələnəcək
Milli Məclisin növbəti iclasında baxılacaq layihələrdən biri də İnzibati Xətalar Məcəlləsinə təklif edilən dəyişikliklərdir. Belə ki, İXM-nın 275.2. maddəsinin mövcud redaksiyasında səs-küy çirklənməsi normalarının pozulmasına görə inzibati məsuliyyət (cərimə) nəzərdə tutulub.
Bakıda 1 otaqlı mənzil yanıb
Bakı şəhəri, Sabunçu rayonunda vətəndaşa məxsus mənzildə yanğın qeydə alınıb. Fövqəladə Hallar Nazirliyindən “Olaylar”a verilən məlumata görə, nəticədə ümumi sahəsi 120 m2 olan birmərtəbəli 3 otaqlı evin 1 otağının tavanı 3 m2 sahədə yanmışdır. Evin qalan hissəsi yanğından mühafizə olunub. Yanğın yanğın bölmələri tərəfindən söndürülüb.
MTRŞ 3 milyon manat vəsaitin 5 telekanala ayrılması barədə qərar qəbul edib
Bu gün Milli Televiziya və Radio Şurasının (MTRŞ) növbəti iclası keçirilib. MTRŞ-dan verilən məlumata görə, iclasda Azərbaycanda özəl ümumölkə teleradio yayımçılarına birdəfəlik maliyyə yardımı göstərilməsi haqqında Azərbaycan prezidentinin 18 yanvar 2018-ci il tarixli sərəncamına əsasən Azərbaycanda fəaliyyət göstərən özəl ümumölkə teleradio yayımçılarının “Azerspace-1” peyki və digər vasitələrlə yayım həyata keçirməsinə əlavə dəstək verilməsi məqsədilə Azərbaycan Respublikasının 2018-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Milli Televiziya və Radio Şurasına ayrılmış 3 milyon manat vəsaitdən hər bir özəl ümumrespublika televiziya yayımçısına (“Lider TV”, “Xəzər TV”, “ATV”, “ARB TV”, “Space TV”) 600 000 (altı yüz min) manat ayrılması barədə qərar qəbul edilib.
Türkiyənin əmək və sosial müdafiə naziri Azərbaycana gələcək
Türkiyə Respublikasının əmək və sosial müdafiə naziri xanım Jülidə Seriyeroğlunun başçılıq etdiyi nümayəndə heyətinin (31 yanvar - 03 fevral) ölkəmizə səfəri planlaşdırılıb.
Mingəçevirdə 2 otaqlı ev yanıb
Mingəçevir şəhərində vətəndaşaı məzsus 2 otaqlı evdə yanğın baş verib. Fövqəladə Hallar Nazirliyindən “Olaylar”a verilən məlumata görə, nəticədə ümumi sahəsi 50 m2 olan, birmərtəbəli, 2 otaqlı evin yanar konstruksiyaları və ev əşyaları yanıb. Yaxınlıqdakı tikililər yanğından mühafizə olununub. Yanğın yanğın bölmələri tərəfindən söndürülüb.
Sumqayıt və Abşeronda turizmin inkişafı üçün iş aparılır
"Regionlarda turizmin inkişaf etdirilməsi dövlət başçısının daim diqqət mərkəzindədir”. “OLAYLAR” xəbər verir ki, bu fikirləri mədəniyyət və turizm naziri Əbülfəs Qarayev səsləndirib. O, bildirib ki, Sumqayıt və Abşeron bölgəsi də artıq turizm baxımından əlverişli məkana çevrilir: “Prezident İlham Əliyevin həyata keçirdiyi uğurlu iqtisadi siyasət nəticəsində ölkəmizdə nəqliyyat sisteminin təkmilləşdirilməsi, turizm sənayesinin inkişafı və digər lazımi infrastrukturun yaradılması təmin olunub. Mədəniyyət və Turizm Nazirliyi tərəfindən bu bölgədə turizm zonasının yaradılması istiqamətində iş aparılır. Xarici mütəxəssislər cəlb olunub, müvafiq layihə hazırlanmaqdadır. Layihənin yay aylarına qədər hazır olması nəzərdə tutulur".
Azərbaycanda ər yataq otağına gizli kamera qoydu - VİDEO
Körpəsinə işgəncə verdiyi üçün Rusiyada övladı əlindən alınan Könül teleaparıcı Xoşqədəm Hidayətqızının Xəzər TV-də yayımlanan "Səni axtarıram" verilişinə uşağının geri qaytarılması üçün müraciət edib.
Ötən il ƏƏSMN rəhbərliyi 11751 vətəndaşı fərdi qaydada qəbul edib
Vətəndaşlarla mütəmadi görüşlərin keçirilməsi, onların müraciətlərinin obyektiv şəkildə cavablandırılması Azərbaycan Respublikası Əmək və Əhalinin Sosial Müdafiəsi Nazirliyinin fəaliyyətində mühüm yer tutur. Bu istiqamətdə işlərin davamı olaraq, 2017-ci ildə nazirliyin rəhbərliyi və məsul şəxsləri tərəfindən 11 751 nəfər vətəndaş fərdi qaydada qəbul edilib. Həmin şəxslərdən 11 097 nəfəri nazirliyin Qəbul otağına müraciət edənlər olub.
Əbülfəs Qarayev vətəndaşları qəbul edib
Mədəniyyət və turizm naziri Əbülfəs Qarayevin vətəndaşlarla növbəti görüşü yanvarın 30-da Xırdalan şəhərində gerçəkləşib. “OLAYLAR” nazirliyə istinadən xəbər verir ki, qəbulda vətəndaşların müxtəlif məsələlərlə bağlı müraciətləri səslənib. Qəbulda vətəndaşların müraciətlərinin bir qismi həllini tapıb, digər məsələlər araşdırılması üçün nəzarətə götürülüb və lazımi tədbirlərin görülməsi ilə bağlı tapşırıqlar verilib.
Sabah ilin ilk Ay tutulması baş verəcək
Bu ilin ilk Ay tutulması hadisəsi sabah qeydə alınacaq. AMEA-nın Nəsirəddin Tusi adına Şamaxı Astrofizika Rəsədxanasının elmi işlər üzrə direktor müavini Xıdır Mikayılov deyib ki, təbiət hadisəsi yanvarın 31-də saat 15:48:27-də başlayacaq. Onun sözlərinə görə, tam tutulmanın başlanması saat 16:51:47-də olacaq ki, bu zaman ayın səthi tam tutulacaq: "Proses saat 18:07:51-də sona çatacaq. Tam tutulma hadisəsi 1 saat 16 dəq davam edəcək. Bu müddətdə Ayın səthi tam qaranlıq, yəni, Ay qızarmış formada olacaq".
Restoranlarda, uşaq müəssisələrində vərəm xəstələri işləyir
"Bu gün bir çox restoranlarda, uşaq müəssisələrində açıq formalı vərəm xəstələri işləyirlər və onlara nəzarət edilmir”.“Olaylar” xəbər verir ki, bunu Ədliyyə Nazirliyinin Tibb Baş İdarəsinin rəisi Rafael Mehdiyev “Qlobal çağırışlar və öhdəliklər: Azərbaycanda vərəmlə mübarizə” adlı dinləmələrdə çıxış edərkən deyib.
BDU və Bilik Fondu arasında anlaşma memorandumu imzalandı
Bakı Dövlət Universiteti ilə Bilik Fondu arasında anlaşma memorandumu imzalanıb. Olaylar.az bildirir ki, sənədi BDU-nun rektoru, akademik Abel Məhərrəmov və Bilik Fondunun icraçı direktoru Oktay Səmədov imzalayıblar. Memorandumda birgə konfransların, simpoziumların, elmi-texniki layihələrin həyata keçirilməsi, elmi-tədqiqat işlərinin, kitabların nəşri, yaradıcı gənclər arasında müsabiqələrin və BDU-nun professor-müəllim heyətinin ölkənin müxtəlif regionlarında mühazirələrinin təşkil edilməsi nəzərdə tutulur.
"Qızlarımız ərəblərlə gəlib elə tatu vurdururlar ki..."
Çoxları üçün tatu oğru dünyasının vücud üzərinə həkk edilən pasprotu, şərəf ordeni, fəxri fərmanı kimi bəsit məna daşıyır. Əslində isə döymələr incəsənətin ilkin, olduqca həssas və zəngin növü hesab olunur. Çünki minilliklər öncə qədim silivilizasiyalarda yaranan bəsit sənət nümunələri qayalara və insan bədəninə həkk edilərdi. İlk döymənin yaşı 60000 ildən çoxdur. Bu sənətin əsas nümunələri isə daha çox qədim Misir piramidalarında aparılan qazıntılar nəticəsində aşkarlanıb. Mumiyalanmış bədənlərin 40000-dən çox yaşları olsa da, dəri üzərindəki döymələri aydın sezilir.
Qadınlar niyə güzəşt hüquqlarından istifadə edə bilmirlər?
Dünyanın əksər ölkələrində olduğu kimi Azərbaycanda da insanların əmək hüquqlarının pozulması hallarına rast gəlinir. Belə pozuntular ən çox iş yerlərində müşahidə olunur ki, o da əksər hallarda işəgötürənlərin səhlənkarlığı sahəsində baş verir. Məsələnin digər tərəfi ondan ibarətdir ki, işçilər əmək hüquqlarının pozulduğunu bildikləri halda onun aradan qaldırılması üçün müvafiq addımlar atmaqdan çəkinirlər.
“Azərbaycan mediasını təsiri altına salmaq istəyənlərin siyasəti iflasa uğradı”
Yanvarın 30-da media nümayəndələri üçün inşa olunmuş ikinci binadakı mənzillərin açarlarının sahiblərinə təqdim olunması mərasimi keçirilib. Mərasimdə çıxış edən Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli binanın artıq istismara qəbul edildiyini söyləyib. Birinci bina ilə müqayisədə ikinci binada jurnalistlərə mənzillərin açarlarının verilməsinin gecikməsi səbəbəinə toxunan V. Səfərli deyib ki, istismar aktı olmadan binada yaşayışın olması mümkün deyildi: "Bu gündən binada yaşamaq mümkün olacaq. İşıq, su mənzillərin sahiblərinin adınadır, yalnız qaz kartları binanın tikintisini aparan şirkətin adınadır.














