Sosial

Azərbaycanlı oğlanlar erməni qızın BAŞINA OYUN AÇDI - VİDEO

5 Aprel 2018 12:20

Nadir Qafarzadənin “Maral”ını erməni xalq mahnısını kimi təqdim edən Anjelika Abramyan adlı vizajisti azərbaycanlı hakkerlər cəzalandırıb.

SABAH qruplarının tələbələri “Azercell”də təcrübə keçəcəklər

5 Aprel 2018 12:09

Təhsil Nazirliyinin SABAH qrupları layihəsinin “Azercell” Telekom MMC ilə əməkdaşlığı çərçivəsində bu qrupun tələləbələri üçün “Yay Tələbə Təcrübə Proqramı” elan edilib. Proqram tərəflər arasında imzalanmış memorandum çərçivəsində həyata keçirilir.

Paytaxt məktəblərində “Eko-təqdimatlar” layihəsi keçirilir

5 Aprel 2018 12:08

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində “Eko-təqdimatlar” layihəsi davam edir. “OLAYLAR” BŞTİ-yə istinadən xəbər verir ki, layihənin əsas məqsədi şagirdlərin milli sərvətlərimiz, dəyərlərimiz və digər aktual ekoloji mövzular üzrə məlumatlandırılmasından ibarətdir.

Ağstafa stansiyasının yolları təmir olunacaq

5 Aprel 2018 12:06

Azərbaycan Dəmir Yolunun əsaslı təmiri prosesinin növbəti mərhələsi davam edir. Belə ki, Bakı-Böyük Kəsik istiqamətində 600 km dəmir yolu əsaslı təmir olunur. “Azərbaycan Dəmir Yolları” QSC-nin ictimaiyyətlə əlaqələr şöbəsindən “OLAYLAR”-a bildirilib ki, aprelin 6-da Ağstafa stansiyasında 2,2 km baş yolların əsaslı təmirinə başlanılacaq. Təmir işləri 2 gün davam edəcək. Əsaslı təmir işlərini 5 saylı “İxtisaslaşdırılmış Dəmir Yolu Müəssisəsi” MMC-nin kollektivi həyata keçirir.

Türkiyə Bakı Beynəlxalq Turizm Sərgisinə çoxlu sayda sənətçi ilə qatılır

5 Aprel 2018 10:47

Sərgidə bu il Türk Dünyasının Mədəniyyət paytaxtı olan Kastamonu şəhəri və Qara dəniz şəhərləri önə çıxarılacaq. Aprelin 5-dən 7-dək Bakı Ekspo Mərkəzində XVI Beynəlxalq Turizm və Səyahətlər Sərgisi (AITF 2018) öz işinə başlayır. Böyük Britaniyanın «ITE Group» şirkətinin Qafqazdakı eksklüziv tərəfdaşı olan “Iteca Caspian” şirkətinin təşkilatçılığı ilə baş tutacaq tədbirə bu il Türkiyə bir sıra ciddi yeniliklərlə qatılır. Sərginin Türkiyə üzrə təşkilatçısı, Türkiyənin Azərbaycandakı səfirliyinin mədəniyyət müşaviri Dr. İrfan Çiftçinin açıqlamasına görə bu il Türkiyə AITF 2018-də iştirak edəcək şirkət və qurumlarının sayında xeyli artım var.

Ölən süpürgəçinin qızlarına ev veriləcək - VİDEO

5 Aprel 2018 09:46

Bir neçə gün öncə Bakıda avtomobilin vurması nəticəsində faciəvi şəkildə dünyasını dəyişən 1965-ci il təvəllüdlü Bakı şəhər sakini Salahova Cəmilənin azyaşlı qızlarına kömək etmək istəyənlərin sayı gündən-günə çoxalır. Millət vəkili Qənirə Paşayeva da bu gün həmin ailəyə baş çəkib. O, icra başçısından bu ailə üçün ev tikilməsini xahiş edib. Rayon icra rəhbərliyi də problemin yaxın günlərdə həll olunacağını qeyd edib.

Aprel döyüşləri ilə bağlı məqalələr “Vikipediya”da

5 Aprel 2018 09:43

Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) “Vikipediya” Metodik Mərkəzinin könüllüləri tərəfindən Aprel döyüşlərinin ildönümü münasibətilə məqalələr yaradılıb. MEK-dən Olaylar.az - a  bildiriblər ki, Azərbaycanca “Vikipediya”da yerləşdirilən məqalələr Aprel döyüşlərində, eləcə də 2015-ci ildə Qarabağ müharibəsində fədakarlıq göstərmiş hərbçilərimizə həsr olunub.

Daha bir rayonda “ASAN xidmət” olacaq

5 Aprel 2018 09:41

Azərbaycan prezidenti İlham Əliyev Ağcabədi rayonunda “ASAN xidmət” mərkəzinin layihələndirilməsi və tikintisi haqqında sərəncam imzalayıb.  Sərəncamda dövlət orqanlarının fəaliyyətində şəffaflığın artırılması, vətəndaşlara göstərilən xidmətlərin daha keyfiyyətli, rahat, yeni üslubda və müasir innovasiyaları tətbiq etməklə həyata keçirilməsi məqsədi ilə yaradılmış “ASAN xidmət” mərkəzləri fəaliyyətə başladığı gündən qısa müddət ərzində ölkə əhalisinin böyük rəğbətini qazanmışdır.

“ASAN xidmət” BMT-nin Cənub-Cənub əməkdaşlığı platformasında qabaqcıl təcrübə hesab olunur

5 Aprel 2018 09:13

2018-ci il mart ayında İslam İnkişaf Bankı (İİB) üzv ölkələrin ən qabaqcıl təcrübələrini əks etdirən məqalələrdən ibarət “Reverse Linkage” (Qarşılıqlı əlaqə) dərcinin ilk nömrəsini nəşr etdirib. Buraxılışda “Dövlət xidmətlərinin göstərilməsində innovasiyalar - Azərbaycandan baxış” adlı məqalə “ASAN xidmət” təcrübəsinə həsr edilib. Məqalədə son illərdə Azərbaycanın sosial-iqtisadi həyatının bütün sahələrində, o cümlədən dövlət xidmətlərinin göstərilməsində aparılmış uğurlu islahatlardan söhbət açılıb. Qeyd olunub ki, bu islahatların ən böyük hissəsi 2012-ci ildə “ASAN xidmət”in yaradılmasının payına düşür.