Sosial
Ali Məhkəmə "Kanal-13"-ün rəhbəri Əziz Orucovun həbsdən azad edilməsi barədə qərar çıxarıb
Ali Məhkəmədə "Kanal-13" internet televiziyasının həbsdə olan icraçı direktoru Əziz Orucovun kassasiya şikayətinə baxılıb. Vəkil Cavad Cavadlı deyib ki, məhkəmə Əziz Orucov barəsində Bakı Apellyasiya məhkəməsinin qərarını qismən ləğv edib. Ə. Orucov 3 il müddətinə azadlıqdan məhrum edilib və bu qərar şərti cəza ilə əvəzlənib. Onun azadlığa buraxılmasına qərar verilib. Ə. Orucovun bir neçə saata saxlandığı cəzaçəkmə müəssisəsindən azadlığa buraxılcağı bildirilir.
Prezident seçkiləri günü təcili yardım gücləndirilmiş rejimdə fəaliyyət göstərəcək
Azərbaycanda aprelin 11-də keçirilməsi nəzərdə tutulan Prezident seçkilərində təcili yardım gücləndirilmiş iş rejimində fəaliyyət göstərəcək. Bunu Bakı şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev keçirdiyi mətbuat konfransında deyib.
Nikaha girmək istəyən 280 nəfər həkimdən bəd xəbər aldı - AÇIQLAMA
Mart ayı ərzində nikaha daxil olmaq istəyən 9581 cütlük tibbi müayinədən keçib, onlardan 279 nəfərdə müxtəlif xəstəlik və daşıyıcılıq aşkarlanıb. Bu barədə B.Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva məlumat verib.
Azərbaycanda “sarı inqilab” baş tutmadı
Bir neçə həftədir ki, ölkənin ictimai fikrini 2018-ci ilin qarşıdan gələn yeni inqilabı haqqında xəbər məşğul edir. Hər seçki mövsümündə bizə yeni rəngli inqilab vəd edilir. Bu dəfə keçmiş prokurorun, Azərbaycan baharının yeni peyda olmuş blogeri Vidadi İsgəndərlinin sözlərinə görə, inqilabın rəngi sarıdır.
Sumqayıtda avtomobil təmiri sexi yanıb
Sumqayıt şəhərində fəaliyyət göstərən avtomobil təmiri sexinda yanğın baş verib. Fövqəladə Hallar Nazieliyindən “Olaylar”a verilən məlumata görə, nəticədə ümumi sahəsi 1700 m² olan avtomobil təmiri sexinin yanar konstruksiyaları 100 m² sahədə, sexin içərisində olan 3 ədəd minik avtomobilinin yanar hissələri qismən yanıb. Sexin qalan hissəsi və digər 3 minik avtomobili yanğından mühafizə olunub. Yanğın yanğın bölmələri tərəfindən söndürülüb.
Məmur olmaq istəyənlər sınağa çəkiləcəklər
Dövlət İmtahan Mərkəzi (DİM) tərəfindən 22 aprel 2018-ci il tarixində inzibati dövlət qulluğu vəzifələrinin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə növbət test imtahanı keçiriləcək.
Əhalinin banklardakı əmanətlərinin həcmi artıb
28 fevral tarixinə Azərbaycanda fəaliyyət göstərən bankların cəmi aktivləri 28.5 mlrd. manat, cəmi öhdəlikləri isə 24.6 mlrd. manat təşkil edib.Bu barədə Maliyyə Bazarlarına Nəzarət Palatasının mətbuat xidmətindən verilən məlumatda bildirilib.
Sabah hava 15 dərəcə isti olacaq
Sabah ölkə ərazisində gözlənilən hava şəraiti ilə bağlı məlumat açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər bəzi yerlərdə zəif duman olacaq. Cənub-qərb küləyi əsəcək.
Bakıda süpürgəçilər üçün yeni geyim hazırlanıb
Bakı şəhərində təmizlik işləri aparan şəxslər üçün yeni geyim hazırlanıb. Bunu Bakı Şəhər Baş Polis İdarəsinin (BŞBPİ) Dövlət Yol Polisi İdarəsinin (DYPİ) Yol hərəkəti təhlükəsizliyinin təbliği və ictimai qurumlarla əlaqə bölməsinin rəisi, polis polkovniki Vaqif Əsədov deyib.
Azərbaycanda qadın boşandığı ərinin evinə yeni ərini gətirdi – VİDEO
ARB TV-nin "Sirdaş Rövşanə” proqramının növbəti verilişində də daha bir qalmaqallı ailə müzakirə olunub. Budəfəki şikayətçi 18 yaşlı Bəşir olub. O, anasından boşandığı üçün atasından şikayətçi olub. Atası barədə sərt ittihamlar edən Bəşir bildirib ki, ona bağışlanan mağazanı bibisi əlindən alıb. O, bilmək istəyib ki, nəyə görə atası mağazanı bibisinin adına alıb. Studiyadakı ekspertlər isə Bəşirin anasının boşandıqdan sonra yenidən evlənməsini kəskin şəkildə qınayıblar. Bu səbəbdən də aparıcı Rövşanə ilə ekspert qismində əyləşən hüquqşünaş Tahir Əlirzayev arasında mübahisə düşüb. Aparıcı fiziki qüsurlu Bəşirin üstünə gedilməsini və qadınlar haqqında bu cür ittihamı kəskin şəkildə pisləyib.
Tarix yalnız arxada qalmır, həm də öndən gəlir...
Azərbaycan ədəbiyyatını bir-birinin ardınca (və kifayət qədər böyük istedadla) qələmə aldığı tarixi romanlarla zənginləşdirmiş Yunus Oğuzun 2016-cı ilin məşhur aprel hadisələrinə, yəni müasir dövrün olaylarına müraciət etməsi, fikrimcə, tarixdən uzaqlaşmaq deyil, əksinə, ona daha da yaxınlaşmaq, məzmun-mündərəcəsinə, metafizikasına, mahiyyətinə daha dərindən varmaq və nəticə etibarilə, tarixdə bu günü, bu gündə isə tarixi anlamaq istəyindən irəli gəlir.
"Çudo Peçka”nın sahibi vurulan ziyanın bir qismini ödəyib
"Çudo Peçka” və “ÇP Aqro” MMC-nin təsisçisi Çingiz Cəlilov “Bank Standard” QSC-yə vurulan ziyanın bir qismini ödəyib. Bunu Ç.Cəlilovun oğlu Anar Cəlilov deyib. Ç. Cəlilov özünə məxsus Xaçmaz rayonunda yerləşən 37 hektar torpaq sahəsi 38 min manata sataraq, ziyandan ödəyib.
Tam orta təhsilini bitirə bilməyənlər üçün yeni imkan
Əvvəlki illərdə ümumi təhsil məktəblərində oxuyub tam orta təhsilini bitirə bilməyən şəxslər üçün 15-16 may tarixlərində eksternat qaydasında imtahanlar keçiriləcək. “OLAYLAR” BŞTİ-yə istinadən xəbər verir ki, qeydiyyat və sənəd qəbulu 5-30 aprel tarixlərində (yalnız iş günləri saat 14:00-dan 17:30-dək) Bakı Şəhəri üzrə Təhsil İdarəsində aparılacaq.
Ötən il Bakıda 600 qüsurlu körpə doğulub
"2017-ci ildə Bakı şəhəri Təcili və Təxirəsalınmaz Tibbi Yardım Stansiyasına doğuşla bağlı 3 099 müraciət daxil olub". Bunu Bakı şəhəri Təcili və Təxirəsalınmaz Tibbi Yardım Stansiyası baş həkiminin müavini İradə Əliyeva deyib.
Təcili yardım stansiyası: İnsultla bağlı müraciətlər artıb
2017-ci ildə Bakı şəhəri Təcili və Təxirəsalınmaz Tibbi Yardım Stansiyasına 693 600-dən artıq müraciət daxil olub. Bakı şəhəri Təcili və Təxirəsalınmaz Tibbi Yardım Stansiyasının baş həkiminin müavini İradə Əliyeva bildirib ki, müraciət edənlərdən 63 300-dən çoxu xəstəxanalara yerləşdirilib.














