Sosial

Ümummilli Liderə həsr olunmuş xeyriyyə aksiyası - Los Ancelesdə

8 May 2018 10:15

 ABŞ-ın Los Anceles şəhərində Azərbaycan xalqının Ümummilli Lideri Heydər Əliyevin anadan olmasının 95 illiyinə həsr olunmuş geniş xeyriyyə aksiyası keçirilib. Aksiyada Los Ancelesdə yaşayan kimsəsiz və evsiz-eşiksiz şəhər sakinləri üçün gün ərzində süfrə açılaraq, 500-dən çox insana isti yeməklər paylanılıb. Olaylar.az bildirir ki, Azərbaycanın Los Ancelesdəki Baş Konsulluğunun təşəbbüsü və dəstəyilə keçirilən tədbir ABŞ-ın ən böyük xeyriyyə təşkilatlarından olan “Los Anceles Missiyası”nda təşkil olunub. Aksiya zamanı Azərbaycanın Los Ancelesdəki baş konsulu Nəsimi Ağayev və Baş Konsulluğun əməkdaşları Los Anceles Missiyasının könüllülərinə qoşularaq, kimsəsiz və evsiz-eşiksizlərə yeməklərin paylanmasında iştirak ediblər.

Nazirlik materialları polis şöbəsinə göndərdi

8 May 2018 10:12

Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları tərəfindən ekoloji qanunvericiliyin tələblərinə riayət olunmasını yoxlamaq məqsədilə növbəti reyd keçirilib. Olaylar.az bildirir ki, reyd zamanı Gəncə-Yevlax magistral avtomobil yolunun kənarında yaş köküstə  3-4 sm diametrliyində 35 ədəd şam ağacının kökündən çıxarılaraq aparıldığı aşkar olunub. Faktla bağlı akt tərtib edilib və təbiətə 8400 manat ziyan dəydiyi məlum olub.

SOCAR birinci vitse-prezidentinə AĞIR İTKİ

8 May 2018 10:04

SOCAR birinci vitse-prezidenti, akademik Xoşbəxt Yusifzadə ağır itki üz verib.  Azərbaycan qəzetinə istinadən xəbər verir ki, akademikin bacısı Yeva Bağı qızı Yusifzadə dünyasını dəyişib.