Respublika Kliniki Uroloji Xəstəxanasında rentgen cihazı niyə işləmir? - RƏSMİ AÇIQLAMA

Akademik Mirməmməd Cavadzadə adına Respublika Kliniki Uroloji Xəstəxanasında rentgenoqrafiya cihazının 2 ilə yaxındır ki, işləmədiyi iddia edilir.

Olaylar.az xəbər verir ki, Bizim.Media məsələ ilə bağlı "Tibbi Ərazi Bölmələrini İdarəetmə Birliyi"nə (TƏBİB) sorğu ünvanlayıb.

Qurumdan Bizim.Media-ya bildirilib ki, hazırda Akademik Mirməmməd Cavadzadə adına Respublika Kliniki Uroloji Xəstəxanada mövcud olan rentgen cihazının hərəkət sistemində və kaset qəbuledicisində bərpası mümkün olmayan problem yaranıb:

"Bununla əlaqədar xəstəxanaya yeni rentgen cihazının verilməsi üçün aidiyyəti üzrə müraciət edilib. Yaxın zamanlarda yeni rentgen cihazının alınaraq istifadəyə verilməsi təmin olunacaq".