Fikrət Məmmədov Şabranda vətəndaş qəbulu keçirəcək

Xəbərlərimizi "WhatsApp" kanalımızdan oxuyun 

Ölkə Prezidenti İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq Azərbaycan Respublikasının ədliyyə naziri Fikrət Məmmədov dekabrın 7-də Şabran şəhərində ədliyyə fəaliyyəti ilə bağlı Şabran, Xaçmaz və Siyəzən rayonlarından olan vətəndaşları qəbul edəcəkdir. Ədliyyə Nazirliyindən "Olaylar"a bildirilib ki, vətəndaşlar qəbula Xaçmaz regional ədliyyə idarəsi (ünvan: Xaçmaz şəhəri, Heydər Əliyev prospekti, 17; əlaqə telefonu: (023) 325-18-88, (055) 950-58-83), habelə Ədliyyə Nazirliyinin 510-10-01 (əlavə 2104), 099-317-22-05 nömrəli telefonları və [email protected] elektron poçt ünvanı vasitəsilə yazıla bilərlər.

Həmçinin vətəndaşların rahatlığı üçün ədliyyə nazirinin qəbuluna elektron qaydada birbaşa yazılmaq imkanı yaradılıb. Bu məqsədlə Ədliyyə Nazirliyinin elektron xidmətlər portalına (www.exidmet.justice.gov.az) müraciət etmək lazımdır.