Bu ilin 10 ayında DOST mərkəzlərində 578 min vətəndaşa xidmət göstərilib

Bu ilin yanvar-oktyabr aylarında DOST mərkəzlərində 578 min vətəndaşa xidmət göstərilib. "OLAYLAR" xəbər verir ki,
DOST xidmətlərindən vətəndaşların məmnunluq səviyyəsi 97,7 faiz təşkil edib.
DOST mərkəzləri şəbəkəsinin genişləndirilməsi istiqamətində növbəti addım olaraq bu il avqustun 7-də Prezident İlham Əliyevin iştirakı ilə Bərdədə Qarabağ Regional DOST mərkəzinin açılışı olub.  Beləliklə, DOST mərkəzlərinin sayı 7-ə çatıb. 
Birinci vitse-prezident Mehriban xanım Əliyevanın təşəbbüsü olan DOST konsepsiyası əsasında 159 sosial xidmət "bir pəncərə"dən, müasir və çevik, şəffaf mexanizmlərlə, vətəndaş rahatlığı və məmnunluğuna uyğun təqdim olunur.
"Könüllü DOST" proqramına isə bu ilin 10 ayında 22,4 minə yaxın müraciət olub və proqrama daha 1211 nəfər cəlb edilib.