Ürəyin gizli düşməni nədir? - ÖZƏL

"Baş verən ürək döyüntüsü təhlükəli və bəzən əhəmiyyətsiz ola bilər. Qorxanda, kimisə görəndə, həyəcanlananda insan ürəyinin döyünməsi çox normaldır. Ancaq diqqətli olmaq lazım olan şey həmişə təkrarlanan ürək döyüntülərinin olmasıdır". "Olaylar" xəbər verir ki, bunu deyən kardioloq Günel Kərimovanın sözlərinə görə, davamlı təkrarlanan ürək döyüntüləri insanı qorxudur və sağlamlığının təhlükədə olduğunu düşünür: "Bəzi ürək döyüntüləri ürəyin həddindən artıq işləməsi və nizamsız ürək döyüntüləri nəticəsində yarana bilər. Ürək döyüntüsü çox tez-tez təkrarlanırsa, o zaman huşsuzluq, başgicəllənmə, zəiflik hissi, sinədə ağrı varsa, bu, ürəyinizdə problem olduğunu göstərir.

Hər ürək döyüntüsü ürək xəstəliyinin əlaməti hesab edilmir. Ürək döyüntüsünün səbəbləri narahatlıq, qorxu, stressdir və sinə əzələlərinin soyuqluğundan meydana gələn ürək döyüntülərinin hamısı psixoloji mənşəlidir. Çay və qəhvənin tərkibindəki kofein də ürək döyüntüsünə səbəb olur. Sıx iş səbəbiylə yorğunluq ürək döyüntüsünü artıra bilər. Bəzi insanlar nikotin səbəbiylə siqaret çəkərkən ürək ritmində çarpıntılar hiss edirlər. Bu səbəblərdən yaranan ürək döyüntüsü psixoloji olsa da, yenə də insanların narahatlığına səbəb olur. Bu hallarda ürək ritminin pozulması əslində normaldır.

Ürək çarpıntıları insanı narahat edirsə, bunun intensivlik, kofein, siqaret, stress, spirtli içki qəbulu və ya psixi problemlərdən qaynaqlandığını izləmək faydalıdır. Əgər siqaret çəkirsinizsə, onu azaldın. Alkoqoldan çox istifadə edirsinizsə, dayandırın və ya azaldın. Sakit olmağa çalışın və panikaya düşməyin. Kofein istehlakınızı azaldın. Sıx və gərgin iş tempindən uzaq durun. Bunu etdikdən sonra vəziyyətinizi yenidən nəzərdən keçirin. Ürək döyüntünüz davam edərsə, bunu ciddi qəbul etməlisiniz".