Zəlzələ bölgəsinə artıq geyim əşyalarının göndərilməsinə ehtiyac yoxdur - Cahit Bağcı
Zəlzələ bölgəsinə artıq geyim əşyalarının göndərilməsinə ehtiyac yoxdur.
Olaylar.az bildirir ki, bunu bu gün Türkiyənin Azərbaycandakı səfiri Cahit Bağcı brifinq zamanı deyib.
O qeyd edib ki, yardım etmək istəyənlər daha çox çadır, isidici, adyallar göndərə bilər.
"Geyimlər artıq təcili ehtiyac siyahısında deyil. Bu istiqamətdə yetəri qədər yardım toplanıb", - deyə səfir əlavə edib.
Qeyd edək ki, fevralın 6-da Türkiyənin Kahramanmaraş vilayətinin Pazarcık rayonunda 7,7 bal, Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Həmçinin Türkiyədə bir həftəlik matəm elan olunub. Trend