Salyanda aztəminatlı şəxslər üçün ödənişsiz hüquqi yardım aksiyası keçiriləcək

Salyan rayonunda aztəminatlı şəxslər üçün ödənişsiz hüquqi yardım aksiyası keçiriləcək. "OLAYLAR" xəbər verir ki, bu barədə məlumatı Salyanın deputatı Jalə Əhmədova özünün facebook sosial şəbəkə hesabında verib. Millət vəkili bildirib ki, aprelin 16-da baş tutacaq aksiya Azərbaycan Respublikası Vəkillər Kollegiyasının dəstəyi ilə Salyan rayon və Şirvan Regional Vəkil Bürolarının vəkilləri tərəfindən reallaşacaq.

Məlumat üçün qeyd edək ki, Milli Məclisin deputatı Jalə Əhmədovanın iştirakı ilə keçiriləcək aksiya Salyan rayon Mərkəzi Kitabxanasında saat 11:00-da başlayacaq.

Aksiyadan faydalanmaq üçün deputatın köməkçisi Əlimuxtar Məmmədovla (+994503337811) əlaqə saxlamanız xahiş olunur.