AzTU-nun tələbəsi Avropa çempionatında bürünc medala layiq görülüb

Azərbaycan Texniki Universitetinin (AzTU) İnformasiya və telekommunikasiya texnologiyaları fakültəsinin birinci kurs tələbəsi Rəşad Quluzadə Litvanın Vilnüs şəhərində keçirilən Qol güləşi üzrə XXX Avropa çempionatında bürünc medala layiq görülüb.

"OLAYLAR"-a təhsil ocağından bildirilib ki, bu münasibətlə AzTU-nun rektoru Vilayət Vəliyev Rəşad Quluzadəni qəbul edib. Rektor tələbəyə dərslərində və idman sahəsində daha böyük uğurlar və müvəffəqiyyətlər arzulayıb.

Qeyd edək ki, 23 oktyabr - 01 noyabr tarixlərində keçirilən Qol güləşi üzrə XXX Avropa çempionatında Azərbaycan yığma komandası 11 qızıl, 5 gümüş və 7 bürünc olmaqla ümumilikdə 23 medal qazanıb.