Deputat: “Şuşa nəinki Azərbaycanın həm də dünyanın mədəniyyət paytaxtı olacaq”

Milli Məclisin Şuşadan olan deputatı Tural Gəncəliyev Şuşaya Azərbaycanın mədəniyyət paytaxtı verilməsi ilə bağlı danışıb."Olaylar" xəbər verir ki, deputat bu gün qürur hissi keçirdiyimizi xüsusi qeyd edib: "1992-ci ildə torpaqlarımızdan qovulub etnik təmizləməyə məruz qalmışdıq. Çox şükürlər olsun ki, Ali Baş Komandanın rəhbərliyi və ordumuzun gücü hesabına torpaqlarımıza qayıtdıq".

Deputat Şuşaya etdiyi sonuncu səfəri barədə də danışıb: "Şuşada dağılmış yerləri görəndə bir daha ermənilərin nə qədər amansız olduqlarının şahidi olduq. Şuşa şəhəri azad olunandan sonra Ermənistan kapituyasiya imzalamağa məruz qalıb. Şuşa nəinki Azərbaycanın həm də dünyanın mədəniyyət paytaxtı olacaq".