Dəhşətli qəzada 1 nəfər ölüb, 1-i isə yaralanıb

Sabirabad rayonu ərazisində ölümlə nəticələnən yol-nəqliyyat hadisəsi baş verib. DİN-dən "Olaylar"a bildirilib ki, martın 16-da saat 21 radələrində Sabirabad rayonunun Nizami kəndi ərazisində Sabirabad şəhər sakini S.Mehdiyevin idarə etdiyi "VAZ-21154" və Bakı şəhər sakini B.Hacıyevin idarə etdiyi "KİA" markalı avtomobillər toqquşmuşdur. Nəticədə S.Mehdiyev aldığı xəsarətlərdən hadisə yerində ölmüş, B.Hacıyev xəstəxanaya yerləşdirilmişdir. Baş İstintaq və Təhqiqat İdarəsi tərəfindən araşdırma aparılır.