Nazirlər Kabineti Milli Məclislə uzlaşdırılmış fəaliyyət göstərir

"İndiyədək Nazirlər Kabineti ilə Milli Məclisin birgə uzlaşdırılmış fəaliyyəti bütün sahələrdə vahid dövlət siyasətinin həyata keçirilməsini şərtləndirib". "Olaylar" xəbər verir ki, bunu Baş Nazir Əli Əsədov Nazirlər kabinetinin 2019-cu il üzrə fəaliyyətinə dair təqdim etdiyi videohesabatda deyib. Baş Nazir bildirib ki, bu əməkdaşlıq bundan sonra da davam etdiriləcək: "Ölkə başçısı tərəfindən həyata keçirilən struktur və kadr islahatları digər qurumlar kimi, Nazirlər Kabinetinin də fəaliyyətinə stimul verməkdədir. 2019-cu il islahatlar ili kimi yadda qalıb. Əlverişli biznes mühitinin formalaşdırılması istiqamətində görülən tədbirlər nəticəsində 2019-cu ildə Azərbaycan "Doing Bizness" hesabatında ən islahatçı 20 ölkə arasında yer alıb".