“Qanunsuz tikililərə məmurlar şərait yaradıb” - Cavid Qurbanov

"Dəmiryolu xəttinin qorunma zolaqları həm məmurlar, həm də vətəndaşlar tərəfindən pozulub. Dəmiryolu xəttinin yerləşdiyi ərazilərdə qeyri-qanuni tikililər var. Buna məmurlar şərait yaradıb".

Bunu jurnalistlərə açıqlamasında "Azərbaycan Dəmir Yolları" QSC-nin sədri Cavid Qurbanov deyib.

Qurumun rəhbəri bildirib ki, sözügedən məsələləri kompensasiya edərək, insanları dəmiryollunun mühafizə zolağından uzaqlaşdırırlar. "İnsanların ev şəraitini yaxşılaşdırırıq. 2018 -ci ildə 700 adama yeni ev verilib və həmin ərazidən köçürülüb".