İƏT-in Daimi Komitəsinin 5-ci illik koordinasiya iclası keçirilir

25 May 2017 15:29 Sosial

Ankara şəhərində İslam Əməkdaşlıq Təşkilatının (İƏT) İqtisadi və Ticarət Əməkdaşlığı Daimi Komitəsinin (COMCEC) milli və işçi qruplar üzrə əlaqələndirici şəxslərinin 5-ci illik koordinasiya iclası keçirilir. "OLAYLAR"-ın xəbərinə görə, iclasda Mədəniyyət və Turizm Nazirliyini Turizm şöbəsinin marketinq sektorunun məsləhətçisi Azər Orucov təmsil edir. İclasın gündəliyinə uyğun olaraq 23 may 2017-ci il tarixində günün birinci yarısında COMCEC-in Katibliyi tərəfindən COMCEC strategiyasının icra vəziyyəti, üzv ölkələrdə COMCEC-in fəaliyyətinin genişləndirilməsi, COMCEC tərəfindən həyata keçirilən tədqiqat işlərinin inkişaf etdirilməsi mövzusunda təqdimatlar nümayiş olunmuş və təqdim olunan mövzular ətrafında müzakirələr aparılmışdır. Günün ikinci yarısında isə COMCEC-in siyasi tövsiyələrinin icrasında meydana çıxan çətinliklər və işçi qrupların 2017-2020-ci illərdə fəaliyyət istiqamətləri müzakirə olunub. Növbəti iki gün ərzində COMCEC çərçivəsində layihə maliyyələşməsi, layihələrin hazırlanması, təqdim olunması mövzusunda müzakirələrin aparılması və iştirakçılar üçün sosial proqramla tədbir davam edəcək.

Təklifinizi, şikayətinizi bizə yazın. Sizi dinlərik. 055 634 88 31