Türk Dünyası yeni nəsil yazarlarının “Şeir çələngi” işıq üzü görüb
Dünya Gənc Türk Yazarlar Birliyinin (DGTYB) Azərbaycan Respublikasının Prezidenti yanında QHT-lərə Dövlət Dəstəyi Şurasının ayırdığı maliyyə ilə gerçəkləşdirdiyi “Türk Dünyası gənc yazarlarının (əsərlərindən ibarət antalogiyanın nəşri və) Bakı Toplantısının keçirilməsi” adlı layihə çərçivəsində bir sıra türksoylu ölkə və topluluğu (Türkiyə, Qazaxıstan, Qırğız Respublikası, Özbəkistan, Başqurdistan və doğma Təbrizdən…) təmsilən Bakıya gəlmiş araşdırmaçı-yazar və şair-tərcüməçinin iştirakı ilə keçirilmiş silsilə tədbirlərin (ümumilikdə layihənin) yekunu olaraq “QHT Nəşriyyatı”nda “Şeir çələngi” adlı antologiyası işıq üzü görüb.
23 Sentyabr 2016 16:27 SosialDünya Gənc Türk Yazarlar Birliyinin (DGTYB) Azərbaycan Respublikasının Prezidenti yanında QHT-lərə Dövlət Dəstəyi Şurasının ayırdığı maliyyə ilə gerçəkləşdirdiyi "Türk Dünyası gənc yazarlarının (əsərlərindən ibarət antalogiyanın nəşri və) Bakı Toplantısının keçirilməsi" adlı layihə çərçivəsində bir sıra türksoylu ölkə və topluluğu (Türkiyə, Qazaxıstan, Qırğız Respublikası, Özbəkistan, Başqurdistan və doğma Təbrizdən...) təmsilən Bakıya gəlmiş araşdırmaçı-yazar və şair-tərcüməçinin iştirakı ilə keçirilmiş silsilə tədbirlərin (ümumilikdə layihənin) yekunu olaraq "QHT Nəşriyyatı"nda "Şeir çələngi" adlı antologiyası işıq üzü görüb.
Gənc yazarlardan Şəfa Vəli, Nofəl Ümid, Gülnar Səma, Rübabə Sahib və Sərvər Kamranlının tərtibçisi olduğu, "Önsöz"ünü millət vəkili, dr. Cavanşir Feyziyevin yazdığı "Şeir çələngi"ndə iştirakçıların III Bakı Toplantısında öz ölkələrindəki ədəbi mühit, ədəbiyyat təsərrüfatının durumu, ədəbi gələnəklər və perspektivlərlə bağlı layihə çərçivəsində keçirilmiş toplantı və konfranslarda etdiyi məruzələrin mətni, eləcə də, gənc şairlərin şeirləri yer alıb.
"Şeir çəlngi"nin redaktorları Azərbaycanda Atatürk Mərkəzinin şöbə müdiri Əkbər Qoşalı və DGTYB Məsləhət Şurasının üzvü, filoloq Sərdar Şirvan, məsləhətçiləri millət vəkili, şair-publisist Musa Urud, Sumqayıtdakı Əli Kərim adına Poeziya Klubunun direktoru İbrahim İlyaslı, "DünyaDER" başqanı Osman Baş (Ankara), "Türk Dünyası Gənc İlətişimçilər Birliyinin başqanı dr. Şəmsəddin Kuzəçi (Ankara) və Kazandakı "İDEL" Tatar Dövlət Gənclər Mərkəzinin direktoru Leysan Safinadır.
DGTYB-nin bu yeni nəşrinin I bölümündə Türkiyə, Qazaxıstan, Qırğız Respublikası, Özbəkistan, Başqurdistan, Tatarıstan, Batı Trakiya və Təbriz ədəbi mühiti, adıkeçən ölkə, bölgə və şəhərdə mövcud ədəbiyyat təsərrüfatı, ədəbi əlaqələrlə bağlı 8 məruzə, II bölümündə isə Altay, Başqurdistan, Tatarıstan, Krım, Çuvaşıstan, Dağıstan, Qaquz Yeri, Türkmaneli (İraq), Əfqanıstan, Qazaxıstan, Qırğız Respublikası, Türkiyə və Azərbaycandan toplam, 54 yeni nəsil şairinin şeiri verilib.
Antologiya ilə tanış olmaqla, eyni kökdən qidalanan mənəviyyat ağacının yeni pöhrələnən, çiçəklənən budaqlarının nə qədər sağlam olduğunu və öz kökünə nə qədər bağlı olduğunu görmək mümkündür.