“Tarixdə Soyqırımlar: Faktlar, Reallıqlar, Uydurmalar”

Bakıda bu mövzuda beynəlxalq simpozium keçiriləcək

"MİRAS" Mədəni İrsin Öyrənilməsinə Kömək İctimai Birliyinin təşkilatçılığı ilə Bakı şəhərində I Beynəlxalq "Tarixdə Soyqırımlar: Faktlar, Reallıqlar, Uydurmalar" Simpoziumu keçiriləcək. "OLAYLAR"-ın xəbərinə görə, simpoziumun məqsədi dünyada soyqırımlar haqqında yazan, araşdıran və müzakirələr aparan tarixçiləri və tədqiqatçıları bir araya gətirməkdir. Simpoziumda yeni araşdırmalar və arxiv materiallarının dövriyyəyə gətirilməsi gözlənilir. Gələcəkdə yeni tədqiqatları izləmək məqsədilə simpoziumun silsilə şəklində həyata keçirilməsi nəzərdə tutulur. Simpoziumun əsas mövzuları  "Soyqırım nədir?", "Soyqırım tarixini araşdırma metodologiyası",  "XX əsrdən öncə soyqırımlar", "I Dünya müharibəsi ərəfəsində soyqırım aktları", "II Dünya müharibəsi ərəfəsində soyqırım aktları", "siyasi rejimlər və həyata keçirdiyi soyqırımlar" və  "Azərbaycan tarixində soyqırımlar" olacaq.