ASEAN-ın Bali Müqaviləsinə dörd Avropa ölkəsi qoşulub- ÖZƏL

Litva, Polşa, Rumıniya və İsveç Cənub-Şərqi Asiyada Dostluq və Əməkdaşlıq Müqaviləsinə (Bali Müqaviləsi) qoşulublar. Olaylar.az xəbər verir ki, bu barədə ASEAN-ın mətbuat xidməti məlumat yayıb.
Bildirilib ki, qoşulma sənədlərinin imzalanma mərasimi iyulun 24-də Filippinin paytaxtı Manilada keçirilən ASEAN Xarici İşlər Nazirlərinin 59-cu iclası çərçivəsində baş tutub. Mərasimdə ASEAN-ın baş katibi Kao Kim Horn iştirak edib.
Dörd ölkənin qoşulması ilə Bali Müqaviləsini imzalayan dövlətlərin sayı 62-yə çatıb. ASEAN qeyd edib ki, müqavilənin imzalanmasının 50 illiyinə təsadüf edən bu addım sənədin aktuallığını və təşkilatın dialoq tərəfdaşları üçün artan əhəmiyyətini bir daha nümayiş etdirir.