Fransalı nazir: Hörmüz boğazının bağlanması səbəbindən yanacaq qiymətləri uzun müddət yüksək qalacaq – ÖZƏL

Olaylar.az xəbər verir ki, Fransanın iqtisadiyyat və maliyyə naziri Rolan Leskyur bəyan edib ki, Hörmüz boğazının blokadası fonunda ölkədə benzin və dizel yanacağının qiymətləri uzun müddət yüksək səviyyədə qalacaq. 

Nazir qeyd edib ki, boğaz hətta tezliklə açılsa belə, tankerlərin Fransa sahillərinə çatması xeyli vaxt aparacaq və bu vəziyyət ölkənin neft asılılığından qurtularaq elektrik enerjisinə keçidi sürətləndirməsinin vacibliyini göstərir. ABŞ və İsrailin İrana qarşı hərbi əməliyyatlarına cavab olaraq Tehranın dünya neft daşımalarının təxminən 30%-nin keçdiyi Hörmüz boğazını bağlaması Fransada benzinin 19%, dizelin isə 36% bahalaşmasına səbəb olub. Hazırda ölkədə dizel yanacağının litri son 20 ilin rekord həddinə - 2,5 avroya yüksəlib.