ABŞ və İran arasında danışıqlar prosesi kuliminasiya nöqtəsindədir- ÖZƏL

"ABŞ və İran arasında İslamabadda üzbəüz danışıqlar prosesi baş tutmadı. Xüsusilə, Tehran İslamabad danışıqlarını manipulyasiya etdi. ABŞ konkret olaraq görüşdə saziş bağlanmasını tələb edir. Danışıqlar xatirinə danışıqlara qoşulmur. D. Tramp deyir ki, İranın təklifi varsa, zəng edib desin". "Olaylar" xəbər verir ki, bunu Milli Cəbhə partiyasının başqanın müavini Məhəmməd Əsədullazadə deyib: "İran XİN rəhbəri A. Araqci Rusiyaya səfər etdi. Çin lə məsləhətləşmələr həyata keçirilir. Danışıqlar prosesi uzana bilməz. ABŞ İran ətrafına yeni hərbi qüvvələri toplayır. Növbəti dəfə İrana hərbi zərbələr bu ölkəni iqtisadi böhrana yuvarlayacaq. Məhz İranın Milli Təhlükəsizlik Şurasının iclasında iqtisadi böhranın dərinləşməsi xalqın etirazlarına gətirib çıxaracağından narahatlıqla bağlı idi. SEPAH rəhbərliyi prosesin çətin olduğunu qəbul etmək məcburiyyətindədir. 
İran tam çalışır ki, ABŞ növbəti hərbi əməliyyatlara başlamasın. İranın ABŞ növbəti təklifləri müzakirə edilir. D. Tramp ABŞ müstəqilliyi gününə kimi İran üzərində tam siyasi  qələbə əldə etməyə çalışır. ABŞ və İran arasında anlaşma mümkün görünür".