Erməni mediası: Seçkilər öncəsi Bakıda saxlanılan ermənilərin qaytarılması planlaşdırılır – ÖZƏL

Olaylar.az xəbər verir ki, Ermənistanın "Hraparak" nəşri iddia edir ki, Azərbaycan Prezidenti İlham Əliyev seçkilər ərəfəsində Ermənistana saxlanılan şəxslərin bir hissəsini qaytarmağı planlaşdırır. Qəzetin yazdığına görə, iki qrup halında ümumilikdə 11 nəfərin geri göndərilməsi nəzərdə tutulur.

Məlumatda bildirilir ki, bu addımın Ermənistanda müsbət ictimai reaksiya doğuracağı və bunun Nikol Paşinyan üçün siyasi baxımdan əlverişli şərait yarada biləcəyi ehtimal edilir. (?)Eyni zamanda qeyd olunur ki, keçmiş Qarabağ rəhbərliyinə aid şəxslər bu siyahıya daxil edilməyib və bu məsələ daxili siyasi balansla əlaqələndirilir.

Qeyd edək ki, yazıda səsləndirilən fikirlər rəsmi mənbələr tərəfindən təsdiqlənməyib və iddia xarakteri daşıyır