Kipr Prezidenti: Qarşılıqlı müdafiə bəndinin aktivləşdirilməsi halında Avropa Komissiyası plan hazırlayacaq- ÖZƏL

Kiprdə keçirilən qeyri-rəsmi Aİ sammitinin ilk günündə iştirakçılar Avropa Komissiyası (AK) tərəfindən Aİ ölkələrindən birinə hipotetik xarici hücum halında fəaliyyət planının hazırlanması barədə razılığa gəliblər.  Olaylar.az xəbər verir ki, bu barədə jurnalistlərə Kipr Prezidenti Nikos Xristodulides bildirib.
"Dünən gecə biz razılığa gəldik ki, Avropa Komissiyası hər hansı bir Aİ üzv dövləti Avropa İttifaqı haqqında Müqavilənin 42-ci maddəsinin 7-ci bəndini tətbiq edəcəyi təqdirdə fəaliyyət planı hazırlayacaq. Bir sıra suallara cavab tapmalıyıq: tutaq ki, Fransa bu maddənin bu bəndini tətbiq edir, onda hansı ölkələr Fransa hökumətinin tələbinə ilk cavab verəcək? Yoxsa hökumətin və ya onu tətbiq edən ölkənin ehtiyacları nədir? Beləliklə, bütün bunlar fəaliyyət planına daxil ediləcək", - deyə bu ilin birinci yarısında Avropa İttifaqı Şurasına sədrlik edən ada dövlətinin başçısı izah edib.
Xristodulides əlavə edib ki, qarşılıqlı müdafiə bəndinin tətbiq olunacağı təqdirdə "bütün AB üzv dövlətlərinin, həm NATO-da olanların, həm də olmayanların əməliyyat planının olmasına ehtiyac olduğunu başa düşmələrindən" məmnundur.