Dodon: Moldova öz maraqları naminə Qərb və Şərqlə dialoq aparmalıdır ÖZƏL

Kişinyov öz maraqlarına və prioritetlərinə əsaslanaraq həm Qərb, həm də Şərqlə dialoqa girməlidir. Bunu Moldovanın ən böyük müxalifət Sosialist Partiyasının lideri, keçmiş prezident İqor Dodon Avropa Şurası Parlament Assambleyasının (AŞPA) yaz sessiyasında iştirak etdiyi Strasburqa səfərindən sonra bildirib.
 Olaylar.az xəbər verir ki, Dodon özünün Telegram kanalında yazıb: "Moldova öz maraqlarına və prioritetlərinə əsaslanaraq hər kəslə dialoq qurmalıdır. Problemlərimizi özümüzdən başqa heç kim həll etməyəcək və bu, yalnız ölkə və vətəndaşları siyasətin mərkəzində olduqda mümkündür. Biz nə Qərb, nə də Şərq tərəfdarı olmamalıyıq - biz Moldova tərəfdarı olmalıyıq". O, son həftələrdə Moskva, Tbilisi və Romaya səfər etdiyini bildirib.

"Bu gün Strasburqa səfərimi başa vururam. Orada Avropa Şurası Parlament Assambleyasının (AŞPA) yaz sessiyasında iştirak etdim və onun sədri ilə məzmunlu görüş keçirdim", - deyə Dodon yazıb və qeyd edib ki, o, AŞPA prezidenti Petru Bairi Moldova prezidenti Maya Sandu və onun hakim Fəaliyyət və Həmrəylik Partiyasının Qaqauz Muxtar Vilayətinə və Moldova müxalifətinə göstərdiyi təzyiq barədə məlumatlandırıb.