İŞİD geri QAYIDIR - Terror qruplaşması yeni tərəfdarlar yığır

Suriyanın Deyr-əz-Zor, Rəqqa və Hesəkə şəhərləri arasında yerləşən Cəzirə bölgəsi rəsmi Dəməşqlə sosial və coğrafi dəstək uğrunda gedən rəqabət fonunda İŞİD-in əsas fəaliyyət meydanına çevrilib.

Musavat.com xəbər verir ki, terror qruplaşması bölgədəki qeyri-sabitlikdən yararlanaraq öz mövqelərini bərpa etməyə çalışır.

ABŞ qoşunlarının geri çəkilməsindən və Suriya Demokratik Qüvvələrinin (SDF) dövlət strukturlarına inteqrasiyasından sonra İŞİD yaranan boşluqlardan məharətlə istifadə edir.

Mərkəzi hakimiyyətin özünüidarəetmə rayonlarına qayıdışı zamanı yaranan ziddiyyətlər terrorçular üçün münbit şərait yaradır.

Qruplaşma xüsusilə qaçqın düşərgələrində təbliğat apararaq, yerli qəbilələrin mərkəzləşdirilmiş siyasətə qarşı qorxularından istifadə edir və yeni üzvləri öz tərəfinə çəkir.

"Asharq Al-Awsat" qəzetinin təhlilinə görə, hakimiyyətin hansı səyləri göstərməsindən asılı olmayaraq, İŞİD Suriyada asayişi ən azı minimum dərəcədə pozmaq qabiliyyətini hələ də qoruyub saxlayır.