Trampın əmrindən sonra ən böyük UFO sənədləri arxivi YOXA ÇIXDI

ABŞ prezidenti Donald Trampın yerüstü həyatla bağlı bütün materialların açıqlanması əmrindən bir gün sonra məxfiliyi ləğv edilmiş UFO sənədlərinin ən böyük ictimai arxivi məhv edilib.

Musavat.com xəbər verir ki, bu barədə "Daily Mail" qəzeti məlumat yayıb.

Fevralın 20-də naməlum şəxslər tədqiqatçı Con Qrinvald Jr. tərəfindən 30 ildir saxlanılan onlayn arxiv olan "The Black Vault"un əsas serverindən yüzlərlə giqabayt məlumatı siliblər. Bu müddət ərzində o, hakimiyyət orqanlarına açıqlama üçün 11.000-dən çox sorğu təqdim edib və 3,8 milyondan çox məxfilikdən çıxarılmış sənəd toplayıb.

Qrinvald hadisənin açıq-aşkar təxribat olduğuna inanmadığını, lakin bu ehtimalı da istisna edə bilməyəcəyini deyib. O, əlavə edib ki, məlumatların yoxa çıxması ilə yanaşı, bəzi qovluqlara giriş hüquqları da dəyişib. O, arxivi ehtiyat nüsxələrdən bərpa edəcəyinə söz verir.