Hind əsilli, güclü siyasi fiqur və vitse-prezidentin sevgi hekayəsi – Uşa Vens Bakıda gündəm oldu

ABŞ-ın vitse-prezidenti Ceyms Devid Vens ailə üzvləri ilə birlikdə Bakıya səfər edib.

Heydər Əliyev Beynəlxalq Hava Limanında rəsmi qarşılama anlarında diqqət çəkən səmimi bir epizod yaşanıb. ABŞ-ın ikinci xanımı Uşa Vens avtomobil karvanına doğru hərəkət edərkən həyat yoldaşını öpüb. Fotoqraflar bu anı obyektivlərinə həkk ediblər.

Qısa zamanda yayılan həmin görüntülər sosial şəbəkələrdə geniş müzakirələrə səbəb olub və səfərin ən çox paylaşılan kadrlarından birinə çevrilib.

Bəs Uşa Vens kimdir?

Uşa Vens (qızlığında adı Uşa Bala Çilukuri) ABŞ tarixində həm ilk hind əsilli, həm də ilk Asiya Amerikalı ikinci xanımdır. Eyni zamanda o, bu vəzifədə xidmət edən ən gənc ikinci xanımlardan biridir.

O, 1986-cı il yanvarın 6-da ABŞ-ın Kaliforniya ştatının San Dieqo dairəsində anadan olub. Yale Universitetini yüksək qiymətlərlə bitirib və bakalavr dərəcəsini tarix sahəsində alıb. Daha sonra Yale Hüquq Məktəbində hüquq təhsili  alıb və üstün akademik fəaliyyətə görə müxtəlif hüquq jurnallarında redaktor vəzifələrində çalışıb.

Təhsili bununla da bitməyib - Uşa Kembric Universitetində  fəlsəfə üzrə magistr dərəcəsi əldə edib.

Təhsilini bitirdikdən sonra Uşa Vens ABŞ Ali Məhkəməsinin Baş Qərargah Məhkəməsinin sədri John Roberts və digər yüksək səviyyəli hakimlər üçün hüquq müşaviri  kimi çalışıb. Daha sonra "Munger", "Tolles & Olson" kimi aparıcı hüquq firmasının əməkdaşı olub və müxtəlif mürəkkəb vətəndaş hüququ işləri ilə məşğul olub.

Məlumata görə Uşa və Vens hələ Yale Hüquq Məktəbində oxuyarkən tanış olublar və 2014-cü ildə evləniblər. Evlilikləri müxtəlif mədəniyyət və dinlərin harmoniyası üzərində qurulub - Uşa hindu, Cey isə xristian ailə xəttindən gəlir.

Onların birlikdə üç uşağı var: Evan, Vivek və Mirabel. 2026-cı ilin yanvarında cütlük dördüncü uşaqlarını gözlədiklərini açıqlayıb.

Bundan başqa, Uşa Vens ABŞ siyasi səhnəsində təsirli bir fiqur sayılır. O, tez-tez həm ərinin kampaniyalarında, həm də rəsmi tədbirlərdə dəstəkçi olaraq iştirak edir və onun analitik düşüncə tərzinin ərinin siyasi qərarlarına təsir etdiyi bildirilir. Yeni  Müsavat