Starmer: Britaniya Sülh Şurasını yalnız Yaxın Şərqə fokuslanacağı halda dəstəkləyəcək -ÖZƏL 

Böyük Britaniya hökuməti Sülh Şurasının fəaliyyətini yalnız Yaxın Şərq regionu ilə məhdudlaşdıracağı təqdirdə dəstəkləyəcək. Olaylar.az xəbər verir ki, bu barədə ölkənin baş naziri Kir Starmer Channel 4 telekanalına müsahibəsində bildirib.
Baş nazir qeyd edib ki, əvvəlcə Sülh Şurasının yaranma səbəblərini düzgün anlamaq lazımdır: "Bu qurum Yaxın Şərq və Qəzza üzrə idarəetmə aləti kimi formalaşıb. Bu, olduqca vacib məqamdır". Starmerin sözlərinə görə, hazırda Qəzzada atəşkəs əldə olunub və proses növbəti mərhələyə keçməlidir. "Mən Yaxın Şərq üçün mühüm olan bu yolda bizə kömək edəcək strukturların mövcudluğunu dəstəkləyirəm", - deyə o vurğulayıb.