Rusiya Bakıya qeyri-rəsmi nümayəndə heyəti göndərir – ÖZƏL

Olaylar.az xəbər verir ki, Telegram-kanalı "VÇK-OGPU"nun mənbəyə istinadla yaydığı məlumata görə, Rusiya Bakı ilə gərginliyi qeyri-rəsmi yollarla nizamlamaq məqsədilə Azərbaycana qeyri-rəsmi nümayəndə heyəti göndərməyi planlaşdırır. Bildirilir ki, nümayəndə heyəti Prezident Vladimir Putinin şəxsi müraciətini təqdim edəcək və saxlanılan şəxslərin mübadiləsi təklif oluna bilər.

Mənbənin sözlərinə görə, nümayəndə heyətinə Prezident Putinin keçmiş şəxsi köməkçisi, hazırda fövqəladə hallar naziri olan Aleksandr Kurenkov rəhbərlik edə bilər. Onun Azərbaycan rəsmiləri ilə yaxşı şəxsi münasibətlərə malik olduğu bildirilir.

Məlumata görə, hazırda Moskvanın planlarında Azərbaycanla münasibətləri gərginləşdirmək yoxdur. "Rusiya üçün hazırda bir neçə istiqamətdə qarşıdurmaya getmək və vacib bir regionda strateji tərəfdaşı itirmək sərfəli deyil", - deyə mənbə qeyd edib.