Quru sərhədlərin bağlı qalması düzgün qərar idi-Deputat

"Bu gün regionda baş verən hadisələr fonunda Azərbaycan uzaqgörən siyasətini bir daha ortaya qoydu". "Olaylar" xəbər verir ki, bunu Milli Məclisin plenar iclasında deputat Aydın Mirzəzadə deyib. Millət vəkili əlavə edib ki, İranda 77 ölkənin diplomatik nümayəndələrinin və vətəndaşlarının təxliyə edilməsində Azərbaycanın göstərdiyi yardım onun güclü və uzaqgörən siyasətinin nəticəsidir: "Ölkəmiz bu prosesi yüksək səviyyədə həyata keçirdi. Bu hadisə həm də quru sərhədlərimizin bağlı qalmasının nə qədər doğru olduğunu göstərdi. Beləliklə, Azərbaycanın regionda günbəgün inkişafı və dünyada nə qədər böyük nüfuza sahib olduğu bir daha təsdiqini tapdı".