Trampın Rusiya siyasəti suallar doğurur: strateji plan, yoxsa gizli dəstək? – ÖZƏL

Maraqlıdır ki, ABŞ-nin yeni tarif siyasətində Rusiya siyahıya daxil edilmədiyi halda, Ukraynaya və bir sıra digər ölkələrə 10% rüsum tətbiq edilib. Bu hansı siyasi və iqtisadi məqamlarla izah oluna bilər?

"Rusiya və Belarus sanksiyalar altında olduğuna görə tarifə ehtiyac duyulmayıb".

Bu fikirləri Olaylar.az-a açıqlamasında politoloq Əli Mustafa bildirib. Politoloq qeyd edib ki, Trampın Rusiya siyasətinin məqsədi qeyri-müəyyəndir:

"Trampın bu siyasəti dünyanın bir çox yerlərində sorğulanır, tənqid olunur. Rusiya və Belarusa qarşı böyük tarif ona görə müəyyən olunmayıb ki, onlara qarşı sanksiyalar tətbiq olunur. Amma belə fikirlər var ki, Tramp hələ də bir formada Rusiya ilə isti münasibətlərin tərəfindədir. Sanki Rusiyanı incitmək istəmir, xətrinə dəymir. Amma yəqin ki, irəliləyən zamanda bu müəyyənləşəcək. Aydın olacaq ki, əslində məqsəd nədir? Doğrudan da Tramp Rusiyanı öz tərəfinə çəkmək və Çini təkləmək istəyir, yoxsa sadəcə olaraq hər fürsətdə Rusiyanı, Putini müdafiə edir? Bu məsələ bu gün ciddi müzakirəyə ehtiyacı olan bir mövzudur. Hər halda yaxın zamanlarda bilinəcək".

Səidə Ramazanova