Ermənistan Konstitusiyasının yeni mətni üzərində iş artıq gedir - Nazir

Ermənistan Konstitusiyasının yeni mətni üzərində iş artıq gedir.

Olaylar.az erməni KİV-lərinə istinadən xəbər verir ki, bunu Ermənistanın Ədliyyə naziri Srbui Qalyan jurnalistlərə açıqlamasında deyib.

"Konstitusiyanın yeni mətni üzərində iş gedir. Bu, təxminən 8-10 ay çəkəcək", - o bildirib.

Onun sözlərinə görə, hazırda bununla bağlı hər hansı detal açıqlana bilməz.

"Amma yeni Konstitusiyanın mətni uzun müddət gizli qala bilməz. Bir gün ictimaiyyətə açıqlanacaq və onun hər bir məqamı, normaları ictimaiyyətlə müzakirə olunacaq", - o bildirib.